Iluminashon nobo pa kaya ku lus led

Entidat Públiko Boneiru a duna WEB enkargo pa remplasá e iluminashon aktual di kaya ku lus LED inteligente ku no ta gasta hopi koriente. Aplikashon di lus LED inteligente ta kuadra ku e metanan sostenibel i di siguridat di Entidat Públiko Boneiru. Empresarionan lokal ta sòru pa instalashon di e lusnan LED. Nan ta haña treinen spesial pa esaki. 

Entidat Públiko Boneiru ta responsabel pa ofresé bon iluminashon di kaya na Boneiru. Lus LED ta bentahoso pa Boneiru i nan ta brinda un aporte na kalidat di bida na Boneiru. Diputado Thielman: ‘Ku e lusnan akí, pa medio di iluminashon inteligente i di mihó kalidat, nos ta oumentá siguridat sosial, siguridat di tráfiko i ambiente riba kaya.’ 

E proyekto di prueba ta ranka sali for di kuminsamentu di luna di ougùstùs den e siguiente kayanan: Bulevar J.A. Abraham for di Kaya Internashonal te na Kaya Gilbert F Croes, Bulevar J.A. Abraham van Marriot Hotel te na Caribbean Court, Kaya Charles E.B. Hellmund, Kaya Commerce, Kaya Encarnacion B. Sint Jago, Kaya Gilberto F Croes, Bulevar Gobernador N Debrot, Kaya Industria, Kaya International, Kaya Korona, Kaya Libertador Simon Bolivar, Kaya Nikiboko Nort, Kaya Nikiboko Sùit, Kaminda Nieuw-Amsterdam, Kaya Pueblo/Kaya Seminole, Bario Den Tera, Kaya Luis Pourier / Kaya Hubentud, Kaya Dawari, Bulevar Minguel A. Pourier, Kaya Hubentut / Bario Puente Afó, Bario Mamparia Kutu i Kaya Trupial.