Inskripcion diabierna awor pa Festival di canto dedica na Bernadina Growell-Kock

Fundacion Bernadina Growell-Kock ta informa pueblo di Aruba cu nos ta bek cu nos noveno festival di canto e anja aki. E festival dedica na mama di cultura lo tuma lugar dia 20 di juli venidero den Centro di Bario Brazil. Meta di e festival ta pa recuada fondo pa sigui cu cu nos proyectonan. Ya caba nos a inverti den cas di e difunta, a logra pa gobierno duna un caya e nomber di nos mama di cultura, a organisa diferente festivalnan, a coloca un relieve di e cara di Bernadina, hunto cu otro valuartenan na Paseo Herencia. Alabes (t)a participa na festivalnan den bario di Brazil y tin diferente dama y damita cultural cu a representa nos fundacion. Nos ultimo proyecto tabata un buki conmemorativo dedica na mama di cultura. Ta spera cu e buki aki por yega serca nos muchanan na skol.

Diabierna awor dia 26 di mei 2023 di 6.30-8.00 pm nos lo ta na cas di Bernadina pa inskripcion pa e festival.

Nos ta invita tur cantante y agrupacion cu ta desea di participa na e festival di cancion pa bin inscribi diabierna awor. E cas ta situa pariba di misa di Brazil.