Vários polis ta den área di Caracasbaaiweg na e momentunan aki pa atende ku kaso di atrako ku resultado fatal, na momentu ku dama agente polisial tabata na restorant na Caracasbaaiweg i algun hòmber a kore yega pa kometé un atrako. E agente polisial femenina a hasi uso di su arma reglamentario i a lòs tiru den kual 1 di e sospechosonan a resultá heridá miéntras e otro sospechoso a kita kai abou i no tabata duna señal di bida mas.
Mesora e dama a yama Sentral di Polis pa asistensia di mas unidat. Na yegada di ambulans no por a hasi nada pa 1 di e sospechoso nan i a pidi presensia di dòkter di polis. E área ta sera bastante grandi enbuska di e otro sospechoso miéntras ku Departamentu di TFO ta hasiendo investigashon relashoná ku e kaso den su totalidat.
E dama polis mes a keda den shòk despues di a tuma nota kon diripiente sin imagina E la haña su mes enbolbí den un situashon asina.
Pas na su restunan i forsa na famianan di e defuntu.