ORANJESTAD,Aruba
Na momento cu un persona abusa di un otro persona esaki ta hopi doloroso y tristo. Tin diferente tipo di hende y diferente actitudnan, aki ta caminda norma y balornan ta cuminsa na cas. Un persona cu su mente ta sano hamas no por pasa na su cabes pa por abusa di un mucha, hoben , adulto of hende grandi.
Na momento cu esaki sosode ta un acto desastroso pa e persona y e lo keda marca pa resto di su bida. Sinembargo e persona cu ta ocaciona esaki ta sintie cu pecho na halto y loke ta mas tristo sin un berguensa y e mes no ta consiente cu e la haci un acto di porco.
Awe e pueblo di Aruba a dicidi cu no ta soporta e situacionnan aki mas y mirando tur e caso nan cu tin , ningun no ta haya e gastigo na e mes un nivel di e daño cu ta wordo haci na e mucha pa resto di su bida, na Aruba hasta situacion di morto a cay y te dia di awe tampoco e muchanan aki cu a fayece abase di maltrato y abuso no a ricibi husticia merecidamente.
Dia 3 di Juli lo tin un protesta pa asina un biaha mas Aruba saca su VOZ pa stop cu abuso y pone leynan cu por frena esaki y pa laga e persona cu un dia cu tin pensamento pa haci un acto asina dos biaha prome e comete e acto aki y distrui bida di un inocente.
Den pasado tabatatin varios protesta caba y te ainda ningun di e gobiernonan cu a sinta den pasado tampoco no a haci net net nada pa yuda nos muchanan di Aruba. Yuri Bracho ta haci un yamada na tur mama, tata, mucha y hobenan pa hunto ban demostra y para contra di abuso di mucha.