Kiwanis Club of Palm Beach Aruba a yama un conferencia di prensa pa nan anuncia nan Masquerade Party,Cheito Croes coordinador di Masquerade Party ta indica cu pa di 26 biaha ta organisa e Masquerade Party. E fiesta cu Kiwanis Club of Palm Beach Aruba ta organisa semper tabata un fiesta cu exito. E comunidad di Aruba semper a sa di respalda na e fiesta aki
E Masquerade Party lo tuma luga dia 21 di februari 2025 na Renaissance Convention Center cuminsando for di 9:30 di anochi. E bandanan cu lo trece ambiente e anochi aki ta ‘N FUZION,Robert Jeandor y su solo banda show, pero tambe ta bay tin diferente sorpresanan den e anochi aki.
E Masquerade Party di Kiwanis Club of Palm Beach Aruba ta un di e fiestanan di mas grandi cu nan ta organisa pa asina nan recauda fondo pa asina duna bek na nos comunidad. Kiwanis Club of Palm Beach Aruba durante di henter anja ta haci diferente actividadnan pa duna bek na comunidad. E anja aki tin un programa nobo cu yama “ invest in me “ esaki ta un programa pa educa nos muchanan den diferente bario pa nan por maneha nan finansas.
Tur e proyectonan cu Kiwanis Club of Palm Beach Aruba ta haci ta danki na e colaboracion di comunidad di Aruba na momento cu anuncia fiestanan manera Masquerade Party.
E aña aki e prijs no a cambia e prijs a keda mes un cos, 500 florin pa dos persona unda cu ta haya tres banda, open bar, snacks y tremendo ambiente, pero tambe lo tin diferente premionan durante di e anochi aki cu ta keda saca.
Pa por cumpra carchi esaki ta bay na un manera digital, tur e miembronan di Kiwanis tin un link y door di e link aki por haci compra di e carchi pa e Masquerade Party.