BonaireFeaturedInternacional

Kolegio ehekutivo ta anunsiá aktualisashon i konferensia di prensa semanal pa mas transparensia i frankesa

Kolegio Ehekutivo Ta Anunsia Aktualisashon I Konferensia Di Prensa Semanal Pa Mas Transparensia I Frankesa 00

Riba djabièrnè 24 di novèmber último Kolegio Ehekutivo ku hopi plaser a kuminsá ku su aktualisashon semanal pa pueblo. Ku e aktualisashon semanal Bon Informá via livestream  Kolegio Ehekutivo ta duna inisio na un era nobo di transparensia i frankesa. 

Den su aspirashon pa yega na komunikashon mas efektivo ku siudadanonan i pa engrandesé enbolbimentu di komunidat, tur siman Kolegio Ehekutivo lo duna un bista general di asuntunan pendiente, desishonnan importante i plannan pa futuro. Por sigui e aktualisashon semanal akí riba  Facebook i kanalnan di YouTube ofisial di entidat públiko Boneiru i ta kompartí nan tambe via diferente medio di komunikashon. 

Bon Informá lo tuma lugá tur djabièrnè di 14:00 or pa 15:00 or, kaminda ta duna informashon ku mas profundisashon, kontestá pregunta di prensa i informá pueblo direktamente. E konferensianan di prensa akí lo ta aksesibel tantu físikamente komo online, di manera ku periodistanan lokal tin  posibilidat pa partisipá aktivamente.

Kolegio Ehekutivo ta di opinion ku transparensia i frankesa ta esensial pa un demokrasia salú i un gobernashon íntegro ku ta funshoná bon. Mediante aktualisashonnan regular ta aspirá pa yega na un mihó komprendementu di toma di desishon i maneho, i ta enbolbí komunidat den un forma mas aktivo ku e prosesonan ku tin influensia riba nan bida diario.

Na nòmber di Kolegio Ehekutivo, diputado Clark Abraham a deklará: ‘Nos ta kere ku kompartí informashon i skucha preokupashonnan i sugerensianan di nos siudadanonan ta krusial pa gobernashon efektivo. Ku e aktualisashon i konferensia di prensa semanal akí, nos ta aspirá pa establesé un standart nobo di transparensia i forma un brùg entre gobièrnu i komunidat.’ 

Aspirashon di Kolegio Ehekutivo ta pa huntu ku pueblo i prensa yega na un komunidat kaminda tur hende ta sinti nan skuchá i kaminda ta tuma desishon ku bienestar di nos siudadanonan komo e prioridat di mas haltu.     

Kolegio Ehekutivo Ta Anunsia Aktualisashon I Konferensia Di Prensa Semanal Pa Mas Transparensia I Frankesa .5 ScaledKolegio Ehekutivo Ta Anunsia Aktualisashon I Konferensia Di Prensa Semanal Pa Mas Transparensia I Frankesa .11 ScaledKolegio Ehekutivo Ta Anunsia Aktualisashon I Konferensia Di Prensa Semanal Pa Mas Transparensia I Frankesa Scaled

Related posts

Ta sinti falta di e modelo di fondo di AIB

EA News Author

Mester encurasha hende pa uza mas vehiculo electrico

EA News Author

Fundacion KLAVE lo organisa Carnaval na Boneiro un biaha mas

EA News Author

Leave a Comment

Whatsapp Message