BonaireFeaturedInternacional

Kolegio ehekutivo ta ofisialmente konosí despues di firmamentu di e akuerdo di koalishon

Kolegio Ehekutivo Ta Ofisialmente Konosi Despues Di Firmamentu Di E Akuerdo Di Koalishon

Durante e reunion di Konseho Insular di 24 di òktober 2023 e partnernan di koalishon Demokrat, M21 i frakshon Vrolijk a anunsiá ofisialmente kua ta e diputadonan ku lo keda instalá. E diputadonan ta sr Clark Abraham, sra Anjelica Cicilia i sra Nina den Heyer. E mes anochi Clark Abraham i Anjelica Cicilia a huramentá komo diputado. Dentro di poko Nina den Heyer ta huramentá komo diputado despues di finalisashon di su trabou aktual na OCW (Enseñansa, Kultura i Siensia). 

E nombrashon i huramentashon ta en konekshon ku e petishon di e partnernan di koalishon di dia 20 di òktober 2023. A tuma tur e pasonan nesesario, inkluso investigashon di kredensial. Den e petishon ta referí tambe na e akuerdo di koalishon, kaminda tin pará ku e gobièrnu nobo na un manera hustu i duradero ke hasi e diferensia pa habitantenan di Boneiru.

Durante e promé reunion di Kolegio Ehekutivo, konforme artíkulo 2 di e Reglamentu di òrdu, a stipulá e repartishon di kartera komo lo siguiente:

Gezaghèber:

  • Òrden Públiko i Siguridat;
  • Kombatimentu di kalamidat;
  • Elekshon.

Diputado Clark Abraham:

  • Maneho i sosten, inkluyendo Dunamentu di Servisio i Kompanianan i Fundashonnan di Gobièrnu;
  • Supervishon i Mantenshon di Lei, inkluyendo Bienestar di Animal;
  • Asuntunan Ekonómiko, inkluyendo Turismo;
  • Deporte.

Diputado Anjelica Cicilia:

  • Desaroyo Teritorial i Maneho; 
  • Agrikultura, Peska i Krio di Bestia.

Diputado Nina den Heyer:

  • Asuntunan Sosial i Bienestar;
  • Kuido di Salubridat Públiko;
  • Kultura.

Na momentu di ousensia di un di e mandatarionan e remplaso ta reglá di e siguiente forma: 

Na momentu di ousensia, diputado Clark Abraham ta remplasá diputado Anjelica Cicilia. Diputado Anjelica Cicilia ta remplasá diputado Nina den Heyer. Diputado Nina den Heyer ta remplasá diputado Clark Abraham, kaminda gezaghèber ta e remplasante pa Supervishon i Mantenshon di Lei. 

        

Related posts

Investigashon empíriko ta nesesario pa determiná si maneho riba suèldu mínimo mester ser adaptá

EA News Author

Departamentu di Investigashon Forènsiko (FO) di Kuerpo Polisial Hulanda Karibense a ricibi ”ID-zuil’

EA News Author

Parlamentario Shailiny Tromp-Lee: Evelyn Wever-Croes a gana acceptacion y admiracion y a demostra di ta un digno lider pa MEP y Aruba

EA News Author

Leave a Comment

Whatsapp Message