Korpschef Sr. Braaf a bishita kuerpo di Sint Eustatius

Korpschef Sr. Braaf a sera konosí ku e tim na Sint Eustatius den su ròl nobo komo Hefe di Kuerpo. Durante su bishita Sr. Braaf a kompartí tokante su mes i e meta i vishon ku e tin pa e kuerpo. Koleganan tabatin e oportunidat di hasi Sr. Braaf pregunta, pero tambe pa duna nan hefe di kuerpo nobo algun konseho i rekomendashon.

Despues di su introdukshon Sr. Braaf huntu ku hefe di departamentu di polis básiko (BPZ) di Sint Eustatius, Sr. Robelto Hodge a presentá na tim e sifranan di kriminalidat i tráfiko di 2022. Durante e presentashon, koleganan a evaluá e sifranan i interkambiá ideanan pa mehorashon den 2023.