Riba djárason 14 di ougùstùs, Sra. Lauren Carney, Country Attaché di Curaçao Country Office –
Caribbean Division di Drug Enforcement Administration (DEA), a bishitá Kuerpo Polisial Hulandes
Karibense (KPCN) na Boneiru.
Durante su bishita, el a sera konosí ku e Tim di Maneho di Kuerpo (KMT) di KPCN i a traha afspraknan
importante pa fortalesé e kolaborashon den e lucha kontra kriminalidat relashoná ku droga den
region. E énfasis tabata riba intensifiká esfuersonan konhunto pa atendé ku trafikashon i
distribushon di droga na frontera na un manera efektivo.
Sra. Carney a risibí tambe un presentashon ekstenso di algun tim spesialisá di KPCN. A inform’é
tokante e métodonan di trabou di e departamentu di Informashon i Ekspertisio, ku a dun’é bista riba
e kompilashon i análisis di informashon táktiko. E presentashon di e departamentu Forénsiko a duna
un bista riba nan trabou riba tereno di evidensia den kasonan di droga. Ademas, el a haña
informashon tokante e ròl importante di e tim di Krímen Sibernétiko den kombatimentu di
kriminalidat digital ku hopi biaha por ta relashoná ku trafikashon di droga.
E bishita aki ta un paso importante pa fortalesé e koperashon entre DEA i KPCN. Huntu nos ta traha
na un Hulanda Karibense mas seif, kaminda no tin espasio pa kriminalidat.
KPCN a yama ‘DEA Country Attaché’ Lauren Carney bon biní na Boneiru
