BonaireFeaturedInternacional

Kreando historia, Nashonnan Uní, CARICOM i COPPPAL na kaminda pa Boneiru

Copppal.3

Bonaire Human Rights, Movementu Pa Kambio i Pueblo Progresivo Uní ta organisá un konferensia internashonal – di 8 Simposio: Kolonialismo Kontemporario i Reparashon den Karibe.

E simposio ta tuma lugá di 30 di novèmber pa 3 di dezèmber 2023, ku entre otro siguiente partisipantenan: Dr. Carlyle Corbin, Eksperto di Nashonnan Uní; Dr. Eric Phillips, Vise Presidente di Komishon di Reparashon di  CARICOM; Joe Koolman, Presidente di Komishon di Dekolonisashon di COPPPAL i otro representantenan i partisipantenan invitá di Boneiru, Kòrsou, Aruba, San Andres / Providencia, Puerto Rico, Guyana Franses, Islanan Vírgen di Estadonan Uní, Islanan Vírgen Britániko, Anguilla, Bermuda, Sint Eustatius, Saba, Sint Maarten Hulandes, Sint Maarten Franses, México, Bolivia, Perú, Panamá, Belize, Honduras i otro paisnan.

Nos esfuerso ta pa uni pueblonan ku antesedente similar i ophetivo komun di Reparashon, Outodeterminashon i Dekolonisashon den Karibe i Sur Amérika.

E ophetivo di e konferensia ta pa reuní lidernan, aktivistanan, profeshonalnan, spesialistanan i ekspertonan di diferente orígen pa fasilitá komunikashon i promové edukashon tokante e opshonnan di status di kompletu igualdat polítiko, medida kompletu di propio-gobernashon, dekolonisashon i reparashon. E propósito di e konferensia ta pa avansá komprendementu di e proseso i progreso di evolushon di e status polítiko di paisnan i teritorionan sin propio-gobernashon den Karibe i Sur Amérika.

E konferensia di 4 dia lo inkluí un tayer i debate polítiko pa Hóbennan, diskushon di nivel haltu riba e tópiko di dekolonisashon i reparashon, apertura di un ofisina regional di COPPPAL den koperashon ku Bonaire Human Rights i e anunsio di James Finies su siguiente paso.

Personanan lokal tambe ta kordialmente invitá na e simposio importante akí. Por registrá via: organizationbonairehumanrights@gmail.com òf +599-786-4576 (telefòn/WhatsApp).

Dr Eric Phillips Vice Chair Caricom Reparations CommissionDr Carlyle Corbin United Nations

Related posts

Partido M21 ta yama danki na pueblo di Boneiro

EA News Author

Melvin Tromp di AVP: Nel Oduber tin cu corda cu Betico Croes a bise den su cara cu e ta mediocre

EA News Author

Minister Ursell Arends ta introduci telefon pa adulto mayor 125

EA News Author

Leave a Comment

Whatsapp Message