Kuido di laboratorio na Boneiru: Un paso grandi padilanti

Entidat Públiko Boneiru i Ministerio di Salubridat Públiko, Bienestar i Deporte i Direktorado di Kuido i Hubentut Hulanda Karibense (ZJCN) ta traha huntu pa hiba kuido di laboratorio na Boneiru na un nivel nobo. Tabatin un bon kòmbersashon entre diputado Tjin Asjoe i sr Herbert Barnard, direktor di Direktorado di Kuido i Hubentut Hulanda Karibense, relashoná ku e desaroyonan rònt di BonLab for di aña 2022. Den un deliberashon konstruktivo nan a lanta un grupo di trabou ku Dr. Izzy Gerstenbluth komo presidente pa investigá e problemanan rònt di kuido di laboratorio na Boneiru i duna konseho na Entidat Públiko Boneiru i Direktorado di Kuido i Hubentut Hulanda Karibense. E grupo di trabou akí lo bai studia efisiensia di e kuido di laboratorio, e inovashonnan na benefisio di aseguradonan di kuido i garantia di BonLab den kuadro di Lei di Salubridat Públiko.