Local

La Cabana Beach Resort & Casino durante Covid19

96711731 10158446517511532 6386598661001838592 O

ORANJESTAD,Aruba

Durante e lockdown temporario di Covid19, La Cabana Beach Resort & Casino ta informa cu 16 di su empleadonan ta bibando riba e propiedad manehando e parti di siguridad, cuidando landscape, y dunando cuminda na e pushinan. Un par di empleadonan di F&B tambe ta presente pa tuma turno pa brinda cuminda na e crew cu ta trahando, sigurando e cushinanan y storerooms.

E comision ehecutivo ta reuni diariamente riba Zoom, of Teams, cual ta plataformanan online, generalmente den proceso di planifica proyectonan pa termino largo, streamlining processes, editando descripcion di empleo, revisando inventario y ahustando operacionnan standard di proceduranan, SOPs.

‘Nos nunca tabata tin tempo pa esakinan, pues awo durante e Covid19 nos por haci e,’ General Manager Joe Najjar ta bisa, kende ta esun cu ta raporta na e board riba actividadnan di su team den un meeting virtual un bes pa siman. Joe ta agrega cu e oficial di HR, ta comunica cu e empleadonan di e resort regularmente, ta manda nan updates, videonan di motivacion, ehercicio cu life-coach Rene Wilde, tips nutricional, links pa desaroyo personal, y mas.

E resort a produci un video pa por keda den conexion cu e guestnan: “Apesar cu bo ta leu, bo ta semper den nos curason”, cu imagennan special na unda por mira tur e caranan familiar, trahando na e resort tumando medidanan halto di sanitacion y higiena, y un sentido eleva di responsabilidad pa e siguridad y salud di nos bishitantenan.

E video ta mustra con La Cabana Beach Resort & Casino ta mustra mas bunita cu nunca, tambe e beach, awor mas bunita cu prome, por medio di a tuma un bon descanso mereci durante e pandemia.

Nos bishitantenan a wordo sigura cu gerencia y empleadonan ta manteniendo, refrescando y training, y cu nan ta wardando riba e regreso di doñonan y amigonan segun strategia di gobierno den conexion cu salida di e pandemia.

Riba Dialuna, siman pasa, La Cabana Beach Resort & Casino a continua su tradicion recien di celebracionnan virtual, mientras cu Departamento di Recurso Humano hunto cu comision social a host un tremendo celebracion di Dia di Mama bon organisa riba Zoom.

E invitacion bunita aki a wordo crea por medio di e Departamento Di Recurso Humano cual a motiva e empleadonan pa participa.

E Zoom Room a yena cu mamanan feliz, hunto cu tur coleganan, cual a wordo saluda pa e host di e dia, director di Recursonan Humano Tessely Koolman y Jr Talent Manager, Sudi Guda.


Durante e pandemia, e HR Team a traha bastante duro pa sigura e bienestar y conexion continuo pa empleadonan.  E celebracion virtual a inclui un bon bini di Assistant General Manager, Jessica Franken, kende a comparti un mensahe di inspiracion, y despues varios poemanan bunita a wordo lesa.

Guest Care Manager, Ena Vrolijk, a wordo corona Mama di Aña 2020, por medio di e miembronan di e comision social, Nilla Girigori, Helen Werleman y Carine Cratz kende a anuncia cu nan lo ta bayendo Ena su cas pa sorprende, cu flornan y regalo.

Artista local, Edjean Semeleer tambe a haci un aparencia inespera riba Zoom, honrando e mama di aña y tur mamanan di La Cabana cu deseonan bunita hunto cu un tremendo serenata virtual. E celebracion a conclui cu palabranan di aprecio for di General Manager Joe Najjar kende a gradici tur e mamanan pa nan sacrificionan y pa mustra nan forsa, curashi y resistencia den e temponan dificil aki.

La Cabana Beach Resort & Casino a logra di wanta tur nan empleadonan y ta desea comunidad di Aruba salud y siguridad, y mas importante, pa miho dianan na caminda.

Related posts

Pastor Marcel Balootje: Pakico Dios ta permiti prueba den nos bida?

EA News Author

Centro pa Hoben y Famia tey pa yuda ‘bo

EA News Author

Aruba a perde un politico di e hala bieu

EA News Author

Leave a Comment

Whatsapp Message