FeaturedLocal

Lansamento Oficial di Colleccion AW E portal di herencia documental y audio visual di Aruba

Eng Official Launch Of The Aw Collection Arubas Documentary And Audio Visual Heritage Portal .3

Diahuebs dia 28 di September na Hyatt Place Minister Xiomara Maduro y Minister Presidente Evelyn Wever-Croes representando Minister di Endy Croes a lansa oficialmente e portal di herencia documental y audio visual di Aruba yama “Coleccion Aruba”. 

Coleccion Aruba ta accesibel ribawww.coleccion.aw y ta consisti di un cooperacion entre Biblioteca Nacional Aruba (BNA), Archivo  Nacional Aruba (ANA) y UNOCA. E tres organisacion nan aki a contribui cu nan creatividad y experticio, y a complementa otro pa logra yega na un web portal, unda Aruba su herencia documental y audiovisual ta bira accesibel pa un y tur. E proceso aki a cuminsa bou guia di Biblioteca Nacional Aruba cu na 2019 a lansa nan coleccion digital riba e plataforma di Internet Archive. 

Na 2022 Archivo Nacional Aruba y UNOCA a uniforsa cu BNA y asina a pone e fundeshi pa Coleccion.aw. Durante 2022 y 2023 mas partner a uni na e plataforma ofreciendo nan contenido riba e plataforma. Entre tanto tin mas cu 75 mil material disponibel, mas cu 1 miyon di pagina digitalisa, mas cu 35 mil potret y mas cu 550 video online, cual ta accesibel 24/7. Acerca tambe a crea coleccionnan tematico tocante sclavitud, pero tambe tocante Carnaval den preparacion di celebracion di Carnaval 70 na 2024. A scoge dia 28 di September como un dia simbolico, teniendo na cuenta cu riba e fecha aki Nacionnan Uni a proclama e dia aki como e dia international di acceso universal na informacion.

Na e lansamento di Coleccion Aruba e plataforma ta conta cu 11 partners, esta:

Biblioteca Nacional Aruba, UNOCA, Archivo Nacional Aruba, Museo Arkeologico Nacional Aruba, Stichting Monumenten fonds Aruba, Bureau Plantage Zorg en Hoop, Monumenten Bureau Aruba, Universidad di Aruba, Telearuba, Directie Cultuur Aruba. E plan ta pa den e siguiente fase sigui aña dimas material riba Coleccion Aruba y habri caminda pa mas partner uni na coleccion.aw.

A realisa e web portal Coleccion Aruba cu ayudo di: Setar, Gobierno di Aruba, DIA, Internet Archive y Fundacion Amigonan di  Archivo, y fondo di: Mondriaan Fonds, Prins Bernhard Cutluurfonds Caribisch gebied y Vertegenwoordiging van Nederland in Aruba. 

Related posts

Prome minister a asisiti na e di tres ‘Fiesta tipico den Bario’ organisa pa Fundacion Union di Tipiconan Rubiano

EA News Author

Energia TV Bonaire: Un Era Nobo den Transmishon ta Kuminsá

EA News Author

Colegio Laura Wernet Paskel ta ricibi Chromebook y tablet di Edutech

EA News Author

Leave a Comment

Whatsapp Message