Lider di fraccion Otmar Oduber a cuminsa cu un caso contra di lider nan di fraccion di parlamento y presidente di parlamento pa motibo cu ta sinti cu ta limita su derechonan pa participa den delegacionnan cu ta representa parlamento den exterior. Lider di fraccion di PPA a keda representa door di abogado Vito Carlo y Demis Illes den corte di Pais Aruba.
Abogado vito Carlo ta duna un splicacion cu e caso a keda lanta contra di Land Aruba debi cu no por cuminsa cu caso contra Parlamento di Aruba debi cu te ainda parlamento no tin “Rechtpersonlijksheid” dus parlamento di Aruba ainda no ta un organo independiente. Abogado Vito Carlo ta duna di conoce cu Land Aruba si tin su “Rechtpersonlijksheid” y parlamento ta un organo di Land Aruba. Tur parlamentario ta wordo paga na e momentonan aki ainda door di Land Aruba.
Sinembargo e esencia di e caso ta cu a “roep op “ Land Aruba pa si hues bay di acuerdo cu nos peticionnan , Land Aruba leg op e “verplichtingen” obligacionnan di hues na Parlamento di Aruba cu ta e organo di Land Aruba.
Manera cu e structura ta hinca den otro na e momentonan aki ta cu Land Aruba por bisa parlamento kico e mester haci. E realidad ta cu Hues no por obliga parlamento directo , pero e mester hacie via Land Aruba, asina abogado Vito Carlo a duna di conoce.
Den e tratamento di e caso abogado Vito Carlo a trece un ehempel di un caso cu a tuma luga na Corsou, e caso no ta igual , pero den e parti huridico si e caso ta igual. E caso a tuma luga na Corsou na 2020 unda cu MFK un parlamentario a fayece y den parlamento di Corsou tabatin un discusion kende mag di bay representa e fraccion den exterior, pero e mayoria den parlamento tabata boicotia e reunionnan pa por apunta un otro parlamentario y asina MFK a cuminsa un caso contra fraccionnan di parlamento y presidente di parlamento di Corsou.
Tambe Voto Carlo ta indica cu hues no mag di interveni zomaar den e proceso democratico di nos estado. Den e sentencia di Corsou hues a referi na un sentencia di 2015 na hof cu tin cierto casonan e hues por interveni.
E defensa di abogadonan pa Land Aruba loke e la presenta no ta full corecto paso no tin otro opcion,na Corsou tabatin opcion paso ta mayoria y mayoria por a bisa cu ta contra y por a baha parlamento y cuminsa un eleccion politico nobo, pero den e caso na Aruba Lider di fraccion di PPA no por haci esaki su so.
Na e caso di Corsou hues a yega di ordena cu un parlamentario mester presenta na un reunion. E hues e tempo ey a “doorbreek “ e trias politica y bisa un di e parlamentarionan cu e mester ta presente den e reunion. Pa e motibo aki defensa di lider di fraccion Otmar Oduber a referi na e sentencia pa laga hues mira cu awe Aruba ta pasando den un caso similar huridicamente cu Corsou a pasa aden caba. Segun abogado Vito Carlo Hues por ordena pa e parlamentario di PPA forma parti di e reunionnan representando parlamento den exterior.
Prome cu e dicidi di lanta e caso aki lider di fraccion di PPA a haci diferente intentonan pa logra trece rasonamento na presidente di parlamento unda cu lider di fraccion di PPA Otmar Oduber a haci tur cos cu ta na su alcance, pidi pa su punto keda trata den un reunion publico, pidi pa trata su peticion, pidi pa raad van advies duna advies pero tur a wordo nenga.
Lamentablemente e lidernan di fraccion nan di parlamento a vota den nomber di decision di fraccionnan , pero nunca e peticion di lider di fraccion di PPA a keda aproba pa trata su peticion pa asina tin un reunion publico cu demas miembronan di parlamento por vota y duna nan opinion. Lider di fraccion di PPA a pidi e reunion publico pero nunca no a bay diacuerdo.
E decision a keda tuma den “centrale commissie huishoudelijk aangelegenheiden” a bisa cu kier mantene e decision di 2019 y lo trece esaki den central commissie y e lidernan di fraccion a vota y asina e bin cu e decision cu ta nenga fraccion di PPA como e unico fraccion di 1 asiento pa por biaha y atende reunionnan den exterior representando parlamento.
Sinembargo asina mes lider di fraccion di PPA a tuma iniciativa di su mes formando parti di e comision ainda riba su propio gasto a biaha y participa den e reunionnan den exterior, despues di esaki presidente di parlamento a tuma e decision di saca e miembro di parlamento for di tur e comisionnan tambe di parlamento.
Nos no mester lubida cu fraccion di PPA tin 1 representante di pueblo den parlamento , e no por manda un otro paso ta un asiento PPA tin den parlamento. Mirando tur loke a pasa lidernan di fraccionnan den parlamento y presidente di parlamento a tuma e decision pa silencia 3538 votado di PPA cu a vota pa lider di fraccion di PPA Otmar Oduber representa nan den comisionnan y den reunionnan internacional.