Lider di fraccion di PPA Otmar Oduber ta duna di conoce cu e caso den corte pa para tras di tur su votadornan ta un caso historico. E defensa di abogadonan opositor henter e defensa ta pa pidi hues pa no entremete den e trias politica, pero ningun a bin cu prueba di pakico nan ta tuma e accion aki y of si e ta contra di e constitucion of no. Lamentablemente henter e presentacion di e abogadonan di Land Aruba tabata pa pidi e hues pa no mete paso tin trias politica.
Segun Lider di fraccion di PPA esaki ta e abuso, esaki ta e parti anti democratico cu ta tumando luga, paso netamente paso abo tin un mayoria bo ta abusa, segun Oduber e mes un Marlon Sneek cu awe ta presidente di parlamento na 2019 a vota contra cu nan prohibi Benny Sevinger, e mes un Arthur Dowers cu awe ta parti di e gobierno a duna henter un betoog e tempo ey den parlamento unda cu fraccion di AVP a vota contra di loke nan ta haciendo awe.
Lider di fraccion di PPA ta indica cu nan sa cu den nan consenshi nan ta robes , pero loke cu nan kier ta Hues tapa e bagamunderia aki cu nan ta haciendo bisando e Hues pa no mete pero laga nos sigui tuma nos decisionnan den mayoria den parlamento di Aruba y ta bay perhudica y silencia PPA Otmar Oduber y 3538 votado cu a vota pa PPA.
Segun Otmar Oduber aki ta e caminda y e rason tambe pa kico a bin Hues paso tempo di Benny Sevinger nan ta referi tempo di Benny sevinger tambe e la wordo prohibi un caso totalmente diferente, pero den caso di Otmar Oduber , tin un sentencia caminda pa ley y constitucion Otmar Oduber por ta den parlamento y ta mes miembro di parlamento cu tur y no tin ningun cambio den esaki. E mes un parlamentarionan aki a traha e ley di LIM cu a bisa e minister cu si bo bira sospechoso bo no mag di bira minister, pero e parlamentario no a trahe nunca pa su mes y esey kiermen cu nunca e no tabatin e intencion ey tampoco.
Aki por mira claramente cu e decision cu lider nan di fraccionnan y presidente di parlamento a tuma ta abase di mayoria y ta paga bek cu e moneda cu a wordo cometi cu Benny Sevinger. Esaki ta e motibo dicon ta nenga lider di fraccion di PPA pa participa den reunionnan den exterior y ta forma parti di comisionnan den parlamento.
Tambe loke cu ta remarcabel a pidi notulanan tampoco no kier a duna fraccion di PPA, aki tambe mester a pidi abogado pa esaki y a logra haya e notulanan na final y den e notulanan di parlamento ta mira claramente cu Ricardo Croes, Arthur Dowers , Marlon Sneek cu awe ta presidente di Parlamento a bisa na 2019 unda cu tabata contra , pero awe ta otro banda y ta haci tur a movecionnan aki politico pa censura y prohibi fraccion di PPA participa y representa pueblo di Aruba den exterior.
Segun Oduber a bira tempo pa nos madura mirando cu pueblo tin berguensa den e forma cu e ta funcionando y por a mira cu cuater lider di fraccion ta bin corte di Pais Aruba pa defende nan mes paso kier silencia representacion di 3538 votado aki na Aruba. Loke cu mester ta bon cla cu e caso aki ta un caso di principio paso si no lanta e caso aki ta muestra cu Lider di fraccion di PPA ta paga 3538 votado na caya y esaki no por.
Loke ta un realidad ta fraccion di PPA ta e unico fraccion cu tin opinion totalmente diferente riba porehempel Rijkswet cu ta bay wordo atendi cu ne na Hulanda den luna di september pero cu kier silencia e pensamento di e votadonan aki. Lider di fraccion di PPA ta spera cu Hues mira e caso cu tur trankilidad y cu dia 17 proximo lo ta bay tin un vonnis.
Lider di fraccion di PPA ta bon cla esaki lo ta un vonnis pa un principio pa defende e democracia di Pais Aruba. Si mester cuminsa permiti cu mayoria ta cuminsa stop bo, bo ta funciona como hende pero nan ta cuminsa corta bo dedenan , despues bo brasa y poco poco ta haci dificil pa cuminsa funciona normal y si nan sinti dushi di e proceso aki ta netamente loke cu a pasa na Venezuela y na Cuba unda cu a cuminsa corta poco poco riba e derecho di loke e stencil democratico ta representa y awe nan ta den un dictadura mane cu tin na e momentonan aki.
Segun Lider di fraccion di PPA den e caso aki no tin ningun hustificacion caminda cu a nenga pa pidi conseho na Raad van Advies a nenga , a pidi griffier di staten pa duna un advies huridico a nenga esaki tambe. Sinembargo nos no mester lubida cu manera a ser bisa den e notulanan Marisol Lopez Tromp a bisa e tempo ey “ aki no ta bay pa asunto Huridico, aki ta bay cu mayoria di staten a dicidi di laga sr Benny Sevinger afo” asina lider di fraccion PPA ta indica.
