Con Hulanda por tin confiansa den e gobierno di Aruba si na Aruba mes e gobierno di AVP –FUTURO ta haci actonan contra ley cu e organo di mas halto na Aruba. Un falta di respet y un muestra di e maldad haci tras di lomba di parlamento di Aruba. Ta entrega e ley na Hulanda , Hulanda ta aproba y despues gobierno di Aruba ta bin trece e ley den parlamento di Aruba pa parlamentarionan haya e informacion di loke a keda dicidi pa e concepto di Rijkswet.
Awo cu tur cos ta cla awo ta bin cu e concepto na Parlamento di Aruba pa debati pa parlamento. E ruta legal tabata cu na momento cu a caba di negosha cu e team negociado tin e concepto cla , mester bin parlamento di Aruba y informa parlamento di Aruba y despues bay Hulanda , pero mirando con esaki a sosode tabata net lo contrario, Esaki ta muestra di falta di respet pa parlamento di Aruba.
Ironia di bida ta cu staatsecretaris Eddie van Marum den su ultimo bishita na Aruba den e reunion cu parlamento di Aruba a indica cu e ta imagina cu gobierno ta actuando riba un opdracht cu nan a haya di parlamento di Aruba. Sinembargo esaki no ta e caso. Con por tin un concepto di Rijkswet ta wordo entrega na Hulanda sin cu Parlamento di Aruba ta na altura di dje, sin cu gobierno a informa parlamento di Aruba te cu un opdracht a Sali riba dje y keda entrega na Hulanda, asina lider di PPA Otmar Oduber a indica.
Staatsecretaris Eddie van Marum ta na altura kico a pasa na Aruba, cone gobienro di AVP-FUTURO a trata su parlamento ? Ta importante pa staatsecretaris di Hulanda y Tweedekamer di Hulanda ta na altura di e mal echo aki di gobierno di AVP -FUTURO y ta consciente cu nan ta trahando contra di ley. Un berguensa e tipo di actonan aki y esaki ta e actonan cu ta pone Hulanda un biaha mas den duda y haya desconfiansa cu Aruba, un gobierno cu ta traha tras di un cortina preto manera raton di anochi.
Parlamentario Endy Croes ta duna di conoce cu awe un biaha mas ta stempel augustus SCUR despues di 1977 cu Aruba a pasa den un proceso pa por yega na autonomia di e pais aki. Tur decision cu gobierno kier tuma e mester consulta cu parlamento , awor ta haci manera cu gobierno ta dies tuma un decision y ora e caba di tuma e decision e ora e ta bin parlamento , un falta di respet completo di nos sistema politico y un acto contra di ley cu e gobierno di AVP –FUTURO ta haci cu e pueblo di Aruba.
Parlamentario Edgar Vrolijk ta indica cu gobierno di AVP –FUTURO ta un decepcion pa Pais Aruba mirando cu tabatin acuerdo nan cu a keda tuma na IPKO na aña 2022 unda cu tin un procedura cu mester wordo encamina y e gobierno di AVP-FUTURO no ta haci esaki , no ta respeta esaki y ta haci nan kier y loke cu nan kier. Tin palabracionnan haci den full Reino con e procedura mester cana prome cu e ley wordo entrega y e gobierno di AVP –FUTURO a bula e stap. Procesonan cu ta tumando luga pa un biaha mas Hulanda perde e confiansa den Pais Aruba.
