E maneho hudicial rond di e yamadanan pa ehecucion di castigo di prizon yama “vrije voeters” ta sigui ta bou di presion. For di e jaarverslag 2025 di Ministerio Público (OM) ta sali na cla cu, aunke a duna inicio na e ehecucion di sentencianan condenatorio di 2024 y 2025, e capacidad limita den KIA (Koreksional Institushon Aruba) ta keda un obstaculo mayor pa por cumpli cu e meta stabilisa.
Kico ta un “vrije voeter”?
Den e contexto hudicial di Aruba, un “vrije voeter” ta referi na un sospechoso of condeculo cu, despues di a pasa un periodo den custodia preventivo (voorarrest) durante e proceso penal, a keda libera of ta liber pendiente e ehecucion definitivo di su sentencia di hues. Hopi biaha, esaki ta trata di personanan cu su castigo imponé tabata igual na, of menos cu, e dianan cu nan a pasa caba den voorarrest.
Sinembargo, tin casonan unda un persona a ricibi un sentencia di prizon pero ta keda den libertad temporariamente pa falta di cupo of debi na planificacion di ehecucion.
E sistema di yamada di Ministerio Público y e conocemento di consecuancia
Ora cu un ciudadano ricibi un sentencia definitivo di hues y wordo yamada formalmente pa Ministerio Publico pa presenta y cumpli su castigo di prizon, e proceso ta exigi obediencia estricto na e ordenansa hudicial.
Si un persona opta pa no duna oido na e yamada di Ministerio Publico y no presenta na e fecha stipula, e consecuencianan ta severo:
• Orden di captura (Gevangenneming / Gijzeling / Signalering): Ministerio Publico por duna mando na Cuerpo Policial Aruba (CPA) pa busca, detene y encarcela e persona inmediatamente.
• Extencion di problema legal: E actitud di no coopera por pone cu e persona ta bira un fugitivo di husticia, loke ta baha e probabilidad di cualkier medida faborabel den futuro.
• Ehecucion forsa: E sentencia mester wordo ehecuta, y evitacion di e yamada solamente ta tarda lo inevitabel mientras ta agrega delito di desobedesia of complica status legal.
Hopi critica ta bin cu tin persona di mes un caso cu a entrega su mes, pero tin cu ta biaha y disfruta di bida burlando di e sistema hudicial na Aruba of simplemente no tin luga pe specificamente den KIA ?. E magnitud di e caso Avestruz a impacta comunidad mirando cu ta papia di fondonan y tereno nan publico y den e caso aki pueblo tin derecho di sa di e proceso di e ultimo persona cu te dia di awe ta spoorloos ainda den bista di pueblo no ta cumpliendo cu e castigo cu hues a duna.
pero kico realmente a sosode cu esaki? a haya castigo di hues pero no ta cumpli cu e castigo ?, ta na conocemento di pueblo dos a cumpli cu nan yamada y awe ta cumpli, pero te ainda no ta na conocemento di pueblo dicon e di tres no a cumpli, cu e yamada si acaso ministerio publico a manda yama e dama si of no. Pueblo di Aruba ainda ta den espera di un contesta di ministerio publico den e caso aki.
Segun e relatonan di e jaarverslag 2025 di Ministerio Publico, e realidad den practica ta mustra un desakople entre e meta y e ehercicionan diario. E meta inicial tabata pa mensualmente yama dos “vrije voeters” pa asina drenta KIA y cumpli cu nan castigo. Pero den practica, esaki no ta consistente ni por a alcansa debi na e capacidad limita di detencion na KIA.
Algun punto clave cu ta sobresali di e aña 2025 ta inclui:
• Ehecucion limita: A duna inicio na e ehecucion di sentencianan di “vrije voeters” tanto di 2024 como di 2025.
• Cifra di cumplimento: Den total, 8 “vrije voeters” a logra cumpli cu nan castigo den KIA, mientras cu un persona tabata ainda den detencion te cu 2026.
• Tendencia den estadistica: Compara cu 2024, tanto e cantidad di “vrije voeters” cu a cumpli cu un castigo di prizon como esnan cu a haña un castigo impone a baha na 2025.
• E retonan pendiente: Pa motibo di e limitacionnan operacional y di espacio, e cantidad di “vrije voeters” cu ainda no a cumpli cu nan castigo impone a conoce un aumento comparativo den 2025.
E situacion ta duna di ehercicio un señal cla cu e cadena hudicial ta confrontando retonan structural den capacidad di sitio di detencion, locual ta keda pone presion riba ehecucion eficiente y efectivo di e leynan penal na Aruba.
Awo mirando e fayo aki esnan cu tin un castigo cu no por ser yama debi cu no tin capasidad , despues di 5 of 10 aña e castigo ta verjaard? Kico esaki kiermen e ora ? E persona ta haya un free ride ? of e castigo nunca lo verjaard ? Ta preguntanan cu ainda no a haya for di ministerio publico.
