Sindicatonan di Aruba ta invitando e comunidad pa tuma parti den un manifestacion contra e Ley di HOFA. E evento lo tuma luga na Fort Zoutman riba dia 18 di maart for di 7:00 di mainta.
Segun e organisadonan, e manifestacion ta busca haya atencion di prensa Hulandes y demostra cu Pueblo di Aruba no ta di acuerdo cu e Ley di HOFA. Participante ta pidi pa yega tempran, 6:45 di mainta, pa topa cu grupo di TOPA den e parkinglot di ex-La Linda na caya di Playa. Di eynan, nan lo bay hunto pa Fort Zoutman.
Instruccionnan pa Participanten:
- Bisti completo na preto.
- No bay cosnan cu por haci buya manera weya of tas.
- No yega cu rugzak.
Organisadonan enfatisa cu e manifestacion lo tuma forma pasivo y pacifico. “Nos ta conta cu bo presencia. Awor ta e ora pa demostra nos malcontento contra Rijkswet,” ta sigui e comunicado di e sindicatonan.
E Invitashon ta keda pa e Comunidad y tur miembronan di sindicato ta presente.
Mañan mainta, tur sindicatonan lo tuma accion pa mustra cu nan no ta di acuerdo cu e Ley di HOFA. E protesta ta dirigi na Rey Willem-Alexander y gobierno di Aruba, pa haya cu nan ta opone na e proceso legal cu a sigui y pa preveni daño grandi pa Aruba.
Miembronan di SEPPA ta invita tur miembro pa ta presente na Fort Zoutman for di 7:00 di mainta. E invitacion tambe ta extende pa famia, amigonan, y tur conoci cu no ta di acuerdo cu e ley.
“Union ta haci forsa. Nos ta un Aruba. Ban pa hunto y defende loke ta di nos,” SI na supervicion finansiero den un LAFT pero No na Rijkswet HOFA
