KRALENDIJK,Bonaire
Mayor Sjoerd Moerkerken di e “Compagnie in de West” huntu ku Mayor Marcel Krul di ‘Marine Hoofdkwartier’ na Kòrsou i Guironey Coffia sòldá di segundo rango a realisá un bishita di kortesia serka gezaghebber Edison Rijna. Durante e bishita nan a pone gezaghebber Rijna na altura di e aktividatnan ku e militarnan a desplegá durante nan estadia na Boneiru for di 13 di yanüari. Den Parke Washington e militarnan huntu ku e rangernan di e parke a hasi trabou boluntario, entre otro drecha kurá di waya, basha fundeshi i mas. Djabièrnè e asina yamá ”Explosieven opruimings dienst” a deshasí di un kònteiner ku vürwèrk ku tabata instabil. Komo muestra di apresio i amistat ku nos isla gezaghebber Edison Rijna na nòmber di gobièrnu di Boneiru a pen Mayor Sjoerd Moerkerken i sòldá Guironey Coffi ku eskudo di Boneiru. Durante di esaki gezaghebber Rijna a splika kiko ta nifikashon di e eskudo i kiko esaki ta para p’e.
