Minister Andin Bikker a propone Conseho di Minister pa amplia y modernisa e tareanan di Bureau City Inspector (BCI), entre otro pa yuda cu e supervision di e Ordenansa pa cu cuido di mascotanan (‘Hondenverordening’). Den e cuadro ey Minister Bikker a propone pa nombra sr. Roy Lacle como director interino a base di e maneho di Gabinete Wever-Croes pa reduci e asina yama ‘overtolligheidspool’, y mirando cu e director actual a yega su edad di pensioen desde november 2020 y a haya un prolongacion temporal pa e departamento no keda sin liderasgo.
Sr. Roy Lacle tin su educacion y experiencia amplio, entre otro como hulpofficier van Justitie y a percura cabalmente pa e seguridad di Bestuurskantoor. Conforme e Ordenansa di Veiligheidsdienst Aruba tur funcionario cu bay asumi un posicion di lidera un departamento tin pa pasa un veiligheidsonderzoek, y esey lo tuma luga tambe manera semper.
E tareanan di BCI la bay wordo fortifica y modernisa, y lo bay haya mas material di trabow conforme e maneho di Ministerio di Husticia y Gabinete Wever-Croes pa cu entre otro ordediensten.
Pues e noticia cu sr. Roy Lacle lo a wordo nombra director di BCI dor di partido MEP y comosifurera cu lo ta trata di un nombracion politico no ta cuadra cu e realidad. Sr. Lacle a wordo nombra director interino di BCI a base di proposicion di Minister Bikker y cu tareanan specifico pa bay fortifica y amplia BCI.
Ta varios ta e ciudadanonan y turistanan cu pa varios aña a bin ta pidi atencion pa e problematica di mascotanan cu ta cana los den bario y areanan turistico, cual ta un mahos bista y ta duna ratings negativo riba platoformanan social cu turistanan ta frecuenta. Desde 2012 e Hondenverordening a bin na vigor pero e realidad ta cu e no tabata haya suficiente atencion, te ora cu Gabinete Wever-Croes na su entrada den gobierno a cuminsa cu un maneho integral, den cuadro di cual entre otro a habri un shelter nobo na Wayaca. Tin mas proyectonan cu lo wordo anuncia den e proximo simannan nos dilanti pa cu un implementacion mas adecua y moderno di e Ordenansa pa cu cuido di mascotanan.
