Aruba TurismoFeatured

Minister Dangui Oduber: CEO di ATA a haci entrega di e “destination resilience award”

Pic Entregadestinationresilienceaward.

Diaranson CEO di Aruba Tourism Authority (A.T.A.) sra. Ronella Croes a entrega e “Destination Resilience Award” cu Aruba a ricibi for di Caribbean Hotel and Tourism Association (CHTA) na Minister di Turismo y Salud Publico sr. Dangui Oduber. Esaki ta un reconocimento cu Aruba a haya pa tur e trabaonan desplega durante e pandemia. Dia 3 di october 2022 ultimo ta prome biaha den historia cu un premio asina a keda otorga.

E premio a wordo entrega durante un ceremonia di entrega di premio na San Juan, Puerto Rico como parti di e di 40 aniversario di CHTA su Caribbean Travel Marketplace.

Aruba a keda reconoci pa e maneho di e destino y e programanan di recuperacion cu a wordo implementa pa por a ricibi bishitantenan bek despues di ceramento di frontera. Aruba a haya e reconocimiento aki pa e excelente manera con Aruba a tuma e mihor decisionan y accionan durante e pandemia cu awe a resulta den un di e mihor recuperacion na mundo. 

E documentacion compila ta mas cu claro ilustra hopi otro logro entre otro digitalisacion di e plataforma di imigracion, introduccion di e Aruba Visitors Insurance. Un trabou duro y exitoso di parti di Aruba, cual A.T.A. tin e honor di por a accepta. Esaki ta un merito pa ambos sector publico y sector priva cu ta traha di serca pa cu bienestar di nos turismo, incluyendo e ekipo completo di A.T.A.

Minister Oduber sigur ta ricibi e plakkaat aki cu un gran honor, e lo sirbi como motivacion pa sigui traha duro na bienestar di tur hende cu ta biba riba nos pida baranca.

Aruba henter por ta orguyoso di e reconocimiento aki cu ta duna reconocimiento na tur e trabounan y esfuerzonan di Ministerio di Turismo. Minister Dangui Oduber ta agradecido pa esaki como mandatario.

Pic Entregadestinationresilienceaward.2 Scaled

Related posts

Minister Glenbert Croes: Salbando presente y futuro di nos humanidad cu energia limpi, renobabel y pagabel

EA News Author

Miembronan di Eerste Kamer a bishita Aruba den cuadro di reunion anual

EA News Author

Presidente di Parlamento Edgard Vrolijk : Importante pa reunionnan den parlamento por continua sin ningun obstaculo den 2022

EA News Author

Leave a Comment

Whatsapp Message