PoliticaFeaturedLocal

Minister di Enseñansa y Deporte Endy Croes: Despues di 11 aña lotto pa deporte ta haya un hunta di supervision nobo

Lotto Pa Deporte 2

Diamars ultimo alrededor 3’or di atardi Minister di Enseñansa y Deporte Endy Croes a haci un bishita na directiva di Lotto pa Deporte na Dakota . Desde siman pasa tabatin diferente intercambio di carta entre director di Lotto sr. Tuitt y mi persona y vice versa, e Mandatario a expresa. Den e carta a avisa sr. Tuitt cu ningun momento e Mandatario no tin intencion pa prolonga e hunta di supervision actual di Lotto pa Deporte.

 

Manera ta conoci desde 2009 bou di Gabinete Mike Eman 1, sr. Mike de Meza a nombra amigonan di AVP den e directiva di Lotto pa Deporte y awe 11 aña despues ainda e mes un personanan tabata na timon di Lotto pa Deporte.

 

Den cuadro di statuto nobo cu Lotto pa Deporte mes a cambia na 2017, e Mandatario a haci uso di e articulonan den e statuto nobo; “unda e Minister lo mester nombra e miembronan cada 4 aña”. Cu articulo aki e mandatario a manda un carta pa e director di Lotto sr. Tuitt pa avise cu e no tin ningun intencion pa prolonga of renombra e contracto di miembronan y conforme e statuto cu 18 di October 2021 ta nan ultimo dia di trabou.

Na mes momento e mandatario a manda un carta pa cada un di e miembronan informandonan di su decision y a percura pa e carta wordo firma cu esaki a wordo ricibi.

 

Minister Endy Croes a nombra cinco miembro nobo pa e Hunta di Supervision di Lotto pa Deporte. E minister a sigui bisa mi a reuni cu e miembronan nobo den weekend na mi oficina. Diamars atardi a presenta e cinco miembronan  nobo na e director di Lotto sr. Tuitt y a pidi sr. Tuitt tur cooperacion pa duna tur e informacionnan necesario pa e traspaso ta un professional pa e Hunta di Supervision nobo por funciona debidamente,

Miembronan nobo di e “Hunta di Supervision” di Lotto pa Deporte:

  • Robert Maduro Presidente
  • Kenneth Bikker Vice presidente
  • Eric Mohamed Miembro
  • Michael Lopez Miembro
  • Michael Varis Miembro

Minister Endy Croes conforme e statuto di Lotto pa Deporte a nombra e presidente y vice presidente. Den e prome reunion e cinco miembronan lo nombra e tesorero y secretario. “Mi ta desea e miembronan nobo hopi sabiduria y exito,pa hunto nos elata deporte na Aruba”,  e Mandatario a expresa.

Lotto Pa Deporte 1

Related posts

Proyecto Surfside Science ta organisa un siman di presentacion over di “Validacion di metodonan replicabel pa monitorea ecosistemanan costero”

EA News Author

Minister Rocco Tjon: A bishita Brandweer post na San Nicolas pa anuncia e inicio di e Proyecto di Renobacion

EA News Author

Fundacion Parke Nacional Aruba ta completa compra di un di Aruba su joyanan di mas biew, “Fontein”

EA News Author

Leave a Comment

Whatsapp Message