Minister di finansas Xiomara Maduro: Reunion di Steering Group di CARTAC na Barbados tabata uno exitoso

Minister Xiomara  Maduro a atende reunion di Steering Group di CARTAC na Barbados. Desde aña 2018 CARTAC ta brinda asistencia tecnico y training cu a yuda fortifica diferente instituto na Aruba. CARTAC ta e centro di experticio di IMF cu ta duna asistencia tecnico y training den region di Caribe y Aruba ta miembro desde anja 2018, Aruba ta haya diferente asistencia tecnico y training pa fortifica institutonan di Aruba. 

Segun minister di finansas den departamento economico CARTAC a yuda locual cu ta e modelo macro economico Maruba na oficina di estadistica CBS , CARTAC a yuda Aruba di locual cu ta e cuentanan nacional di Aruba y tambe estadistica di prijs. Tambe e personal por a atende diferente seminario pa nan por amplia nan conocemento. 

Segun Minister di finansas Xiomara Maduro na departamento di Aduana tambe CARTAC  a brinda asistencia riba topiconan manera performens managment, Risk Managment y tambe e Trusted Trader Program. Tambe a haci evaluacion di trabaonan na departamento di impuesto y a para keto na e funcion administrativo, auditorio, servicio na cliente, procesonan di obhecion, y tambe den e retraso di locual tabata e procesamento di declaracion di impuesto y restitucion. 

Segun minsiter di finansas Xiomara Maduro banda di tur esaki CARTAC a yuda tambe pa evaluacion di e sistema fiscal y a asisti DIMP pa locual ta e trabaonan riba e introduccion di BTW pa Aruba. Na departamento di finansas tambe CARTAC a yuda cu diferente scenario pa locual ta trata e refinanciamento di e debe traha cu Hulanda y tambe e planificacion fiscal den cual tambe lo mehora e proceso presupuestario y ta fortifica e maneho financiero di Aruba. 

E personal di departamento di finansas tambe a participa na diferente seminario di capacitacion cu CARTAC a bin ta brindando pa locual ta maneho di debe. Banco central tambe ta haya e asistencia debido di CARTAC. Minister di finansas Xiomara Maduro ta satisfecho y ta duna di conoce cu e reunion tabata un bon reunion hopi bon concuri. 

Tur pais den Caribe tabata presente na e reunion importante aki di CARTAC y tambe e doner nan tabata t’ey.  Como Aruba tambe a brinda e compromiso pa asina CARTAC tambe por sigui su trabaonan den region y pa nos como Aruba sigur CARTAC lo por yuda pa locual ta e trabaonan cu Aruba tin su dilanti pa por implementa e reforma nan necesario den cuadro di e landspakket aki e asistencia di CARTAC por yuda Aruba hopi pa complementa tur e trabaonan cu ta necesario pa Aruba.