PoliticaFeatured

Minister Glenbert Croes: WEB su gerencia y profesionalnan ta trahando duro pa duna Aruba e garantia y siguridad den suministro di awa y electricidad

Minister Glenbert Croes 3

Gerencia y profesionalnan di WEB recientemente a reuni cu Minister Glenbert Croes referente e problemanan cu Aruba a conoce den suministro di coriente.

Durante e reunion WEB a presenta na Minister tur e pasonan cu a wordo tuma y cu te ainda ta tumando pa sigura y garantisa suministro di awa y coriente na nos pueblo. E ultimo blackouts a causa frustracion y disgusto grandi den nos pueblo pa cual motibo e mandatario a instrui Utilities NV pa laga haci un audit independiente pa por determina kico por ta e causa di e interupcionnan aki.

WEB a inverti un suma substancial den e planta di Wartsila hustamante pa garantisa e suministro. Di e momento cu e planta nobo di Wartsila a bay den uzo, esaki a trece cu ne cu suministro a cay na diferente ocasion.

Pero WEB y su profesionalnan a lora manga, a tuma accion pa internamente mes averigua unda e problema por ta. Y diahuebs ultimo a presenta e resultado di nan investigacion y medidanan cu a tuma pa sigura y garantisa un suministro confinable y estable pa nos pueblo.

“Como Minister di Energia mi ta sumamente orguyoso di nan tur y agradecido pa tur e esfuersonan haci”, e mandatario a expresa.

Related posts

Prome siman di Januari Post di Brandweer na San Nicolas ta completamente renoba

EA News Author

Na un forma virtual Prome Minister a participa na e caribbean Investment Summit

EA News Author

Loes Jaspers ta traspasá su trabou na Salubridat Públiko pa Bert Wolters

EA News Author

Leave a Comment

Whatsapp Message