Minister Dijkgraaf a conclui su bishita exitoso na Saba
Dijkgraaf a bisa cu el a pasa un “dia maravioso” na Saba unda el a papia cu hopi hende “riba varios puntonan cu por a comparti cu otro “. Esaki tabata un programa completo durante cual e Minister y su delegacion a topa cu representantenan di gobierno, direccion y studiantenan di Saba Comprehensive School (SCS), hoben profesionalnan cu a regresa di nan estudio di exterior y a bishita Saba Heritage Center.
E minister, kende a yega for di Hulanda djasabra atardi, a kuminsá su bishita di trabou ku un reunion ku e Konseho Ehekutivo. E minister a ser presentá na e komishonario nobo di edukashon Eviton Heyliger. Despues di e reunion aki, e minister a papia ku Konseho di e isla. Den tur dos reunion, a papia di e manera pa guia studiantenan cu ta bay studia den exterior, y tambe e importancia di enseñansa profesional.
Na SCS, Dijkgraaf a papia cu Director Ejecutivo di SKOSaba/SEF schoolboards Anton Hermans tocante enseñansa secundario na Saba, su retonan, e desaroyonan y e plannan pa un school nobo. E minister a bishitá e skol di klas 5 kaminda el a papia ku e studiantenan tokante nan plannan pa kontinuá nan estudio na eksterior. Algun studiante a bisa ku nan lo tuma un aña di interupshon pa traha i prepará pa nan estudio na Merka òf Hulanda.
Dijkgraaf a kome lunch na Island Flavor ku sinku hóben profeshonal ku a regresá Saba despues di nan estudio. Mi a papia ku nan tokante nan retonan pa bolbe. Mi a keda hopi inspirá pa kon nan ke partisipá ku komunidat i kontribuí na nan isla. Nan tabatin hopi idea pa mehora enseñansa”, e minister a bisa.
E último parada promé ku bai aeropuerto tabata e Heritage Center kaminda Vito Charles di Saba Archeological Center SABARC a topa ku Dijkgraaf i su delegashon. Charles a mustra e minister e artefakto na e sentro, a duna detaye historico riba Saba i el a duna un presentashon tokante pasado di sklabitut di Saba i e proseso di emansipashon.
Na Saba Heritage Center, nos a papia di e pasado teribel di sklabitut i kiko su implikashonnan ta pa sosiedat te dia di awe, a papia di con hunto nos por tin un dialogo pa crea mas concientisacion, pa trata e problemanan cu ta un remanente di e tempo ey y pa wak con loke mi ta yama e forsanan suave, cual ta educacion, cultura y ciencia por trese nos mas cerca di otro y pa crea un sociedad mas husto”, Dijkgraaf a bisa.
