PoliticaFeaturedInternacional

Minister Maduro di finansa ta e siman aki na Merca pa reuni cu inversionistanan riba mercado internacional di capital

Minister Xiomara Maduro 1

E siman aki Minister Maduro di Finansa ta na Merca pa asina por reuni cu inversionistanan riba e
mercado di capital internacional cu ta deposita nan confiansa den Aruba. E mandatario lo bishita
inversionistanan na 5 diferente cuidad den 5 dia di trabou.
Aruba tin como 25 aña activo riba e mercado internacional di capital pa asina por cubri e necesidad
financiero di nos Pais. Debi na e pandemia Aruba tabata algun aña ausente. Mientrastanto nos Pais
su economia a recupera grandemente y a haci reformanan necesario cu a percura pa e credibilidad
financiero di Aruba por a crece. E storia di recuperacion di Aruba ta uno impresionante y ta
importante pa e inversionistanan haya sa di esaki.
Durante e reunionnan informacion ta wordo brinda di e recuperacion economico y financiero di
Aruba, e maneho di debe, e reformanan cu ta tumando luga den cuadro di e Landspakket, e plan di
Aruba pa atende cu retonan financiero di cambio climatico, informacion riba e inversionnan cu ta
tuma luga y ta duna bista riba e rendimento financiero di e companianan estatal Aruba.
Minister Maduro di Finansa ta haci uzo di e oportunidad tambe pa gradici tur e inversionistanan
internacional cu ta kere den Aruba y cu hasta tempo di pandemia a keda brinda Aruba nan
confiansa. "Ta dianan pisa di trabou, pero nos ta contento di por representa Aruba dignamente,
contando e storia di e esfuerso di nos hendenan pa percura pa Aruba por recupera e credibilidad
financiero cu ta duna inversionistanan e confiansa cu nan inversion ta sigur na Aruba," ta palabranan
di Minister Maduro di Finansa cu ta resumi e necesidad y importancia di su biahe di trabou.

Related posts

Prome Minister Evelyn Wever-Croes: Aruba posiciona number 1 riba e lista di clima di inversion den caribe pa di 3 aña consecutivo

EA News Author

Tripartiet entre Aruba, Sint Maarten y Corsou

EA News Author

Partido mep ta condena atake riba candidato Rocco Tjon

EA News Author

Leave a Comment

Whatsapp Message