PoliticaFeatured

Minister Maduro ta refuta e informaci贸n cu a keda publica den media

Minister Maduro Ta Refuta E Informacion Cu A Keda Publica Den Media

饾槇饾槼饾樁饾槪饾槩 饾槸饾槹 饾樀饾槩 饾槩饾槺饾槩饾槼饾槮饾槫饾槮 饾槼饾槳饾槪饾槩 饾槶饾槳饾槾饾樀饾槩 饾槬饾槳 饾槣饾槸饾槳饾槹饾槸 饾槍饾樁饾槼饾槹饾槺饾槮饾槹 饾槫饾槹饾槷饾槹 饾槺饾槩饾槼饾槩饾槳饾槾饾槹 饾槬饾槳 饾槳饾槷饾槺饾樁饾槮饾槾饾樀饾槹
E siman aki a keda publica den algun media internacional cu Comision di Union Europeo a pone Aruba riba e lista di paraisonan di impuesto. Minister Maduro ta refuta e informacion incorecto aki y ta brinda e informacion corecto.
Gobierno di Aruba, por medio di Departamento di Impuesto tin un relacion estrecho cu e seccion di impuesto di Comision di Union Europeo pa por cumpli cu tur e rekisitonan ora ta trata normanan internacional pa evita cu Aruba ta wordo categorisa como un pais complaciente pa contribuyentenan por evadi impuesto. Alabes Departamento di Impuesto ta trahando hopi di cerca cu e Secretariado di Organisacion pa Cooperacion Economico y Desaroyo (OECD) riba e recomendacionnan di e organisacion pa por cumpli cu e rekisitonan regulatorio dentro di e periodo stipula.

E siman aki e delegado di Comision di Union Europeo cu ta atende cu Aruba, a confirma cu Aruba su compromiso riba criteria 1.1. di AEOI lo wordo registra door di ECOFIN. E delegado a clarifica cu lo inclui Aruba riba e lista di Anexo II di 鈥淐ouncil Conclusions鈥 cual ta un documento cu ta indica e situacion di e compromisonan di e paisnan (jurisdictions) cu ta cooperando cu Comision di Union Europeo, mientras cu e paisnan aki ta den proceso pa cumpli cu e compromisonan. E lista di Anexo II ta refleha e cooperacion continuo entre e Comision di Union Europeo cu su partnernan internacional y e compromisonan di e paisnan aki pa reforma nan legislacion pa por cumpli cu standardnan di bon gobernacion fiscal manera acorda. Su meta ta pa reconoce e trabaonan constructivo riba e tereno fiscal y pa stimula e enfoke positivo tuma pa paisnan cooperativo pa implementa e principionan di bon gobernacion fiscal. Unabes cu Aruba cumpli den ehecuta e cambionan acorda, esakinan lo keda refleha den e raportahe di ‘Global Forum Peer Review’ cual lo wordo publica den ultimo kwartaal di a帽a 2024.

Si acaso Aruba lo no tabata cooperando cu Comision di Union Europeo, Aruba lo a wordo inclui den e lista di paisnan (jurisdictions) cu no ta cooperando. Afortunadamente Aruba ta actuando y semper a actua cu tur seriedad den henter e proceso aki y ta percura pa cumpli debidamente cu tur e rekisitonan pa evita un scenario negativo.

E relacion cu Aruba tin cu Comision di Union Europeo y OECD ta pa sigura cu Aruba ta ehecuta e normanan internacional riba tereno di transparencia y intercambio di informacion pa metanan fiscal. Pa cu esaki Aruba no solamente ta percura pa adapta e leynan concerni, sino ta percura tambe pa e sistema automatisa pa intercambia data por cumpli cu e exigencianan di OECD. Tur e trabounan aki ta wordo ehecuta door di Departamento di Impuesto conhuntamente cu Departamento di Legislacion y Asuntonan Huridico cu cooperacion y bou auspicio di e organisacionnan menciona.

Minister Maduro ta sigura e comunidad di Aruba, cu Aruba ta cooperando y ta cumpliendo cu e compromisonan cu Comision di Union Europeo. Nos Pais no ta aparece riba e lista di paisnan di paraiso di impuesto. Pa mas informacion ta referi na e relato di prensa oficial di e Council of the EU via e link

Minister Maduro Ta Refuta E Informacion Cu A Keda Publica Den Media ..

Related posts

Parlamentario Gerlien Croes : nos a habri 2023 cu prome minister ta bay papia riba democraties deficit

EA News Author

Pa prome di october lo tin cambio den lista di remedi di AZV

EA News Author

For di 2019 Metabolic Foundation ta colecciona data di naturalesa

EA News Author

1 comment

Leave a Comment

Whatsapp Message