LocalFeatured

Minister Thijsen a papia cu Aruba’s Bee Haven riba apicultura

Minister Thijsen

Minister Plenipotenciario mr. Ady Thijsen a bishita e compania di apicultura Aruba’s Bee Haven na Cashero. Aki e mandatario a keda ricibi pa doño di Aruba’s Bee Haven & Farm Rubert Montilla y su tata Rubén Montilla.

Rubert Montilla a bisa cu Aruba’s Bee Haven cu 130 kolonia di abeha ta esun mas grandi na Aruba. E isla conoce cinco compania di apicultura y algun personan cu ta cria abeha como hobby.

Minister Thijsen a splica sr. Montilla cu e razon pakico ela pidi un cita cu Aruba’s Bee Haven ta pasobra Aruba den combersacion cu municipio di Venray a bin compronde cu akinan e sector di apicultura ta esun mas grandi na Hulanda. E conocemento aki kisas por contribui na e sector di apicultura na Aruba. Tambe a papia cu Universidad di Wageningen pa mira unda nan tambe por yuda. Di Universidad di Wageningen Minister Thijsen a ricibi un lista di pregunta pa por saca afor con e sector di apicultura na Aruba ta hinca den otro, con grandi e ta y na cual manera e Universidad di Wageningen por contribui.

Sr. Montilla a duna contesta riba tur e preguntanan y a bisa cu loke e sector tin mester dje ta investigacion na e tipo di abeha na Aruba y tambe intercambio di experticio.

Minister Thijsen a gradici sr. Montilla pa su cooperacion y a bisa cu awor e ta bai bek na Universidad di Wageningen cu e contestanan pa asina bin cu un plan pa mira con e contribucion di Universidad di Wageningen lo ta y e rol di municipio di Venray den esaki.

Arubabeehaven

Related posts

Pisina flotante na Parke Tului temporalmente no ta aksesibel for di 10 di febrüari 2024

EA News Author

E ganadónan di e kompetensia di poesia ‘E poder di nos historia’ ta konosí

EA News Author

Aruba tin un economia di servicio cu ta exigi personanan cu amor pa trata cu hende

EA News Author

Leave a Comment

Whatsapp Message