Local

Bishita di Emmy Bertholdschool F.O. di corsou na archivo nacional

Dsc01853Bishita Di Emmy Bertholdschool F.o.2

Siman pasa Archivo Nacional, dia 16 di mei, Archivo Nacional a haya bishita di Emmy Bertholdschool F.O. di Corsou cu ta un scol di Unesco. E scol aki ta bou di encargo di sra. Suzette Davelaar-Efraci y a bishita ANA cu un grupo di 11 maestro di e scol aki pa asina conoce mas di historia di Aruba y tambe cu e trabounan cu ANA ta desplega. E grupo aki durante 3 dia nan tabata na Aruba pa un bishita di trabou cu e meta pa profesionalisa nan mes mas door di bishita otro instancianan di enseñanza na Aruba y algun scolnan, y asina intercambia experiencia y ideanan cu nan coleganan na Aruba. Alabes purba na crea un netwerk entre  personal y instancianan den enseñanza y conoce mas di Aruba su cultura.

 

Pa e ultimo aki tambe nan bishita ANA, no solamente pa haya informacion di Aruba su historia, pero tambe haya sa mas di meta di ANA y con ANA ta contribui cu e parti educativo di nos comunidad. 

Na e ocasion aki no unicamente ANA a duna splicacion di meta y tareanan di e instituto, sino e docentenan a haya oportunidad pa admira e exposicion DIASPORA ARUBIANO. Tambe ANA a duna un demostracion y splicacion di loke ta trata e “Coleccion Aruba” cu ta riba internet accesibel via coleccion.aw. Aki nan a wordo mustra tambe cu e coleccion aki ta contene tambe varios materialnan di Corsou. Asina nan a wordo mustra riba un video di añanan 30/40, di Corsou y nan a keda masha encanta mes. 

Na final di e atardi, tabata tin intercambio di recuerdonan na otro. 

Archivo Nacional Aruba, kier a gradici Emmy Bertholdschool F.O. di Corsou, pa a scohe pa e bishita aki na ANA. Tambe un danki ta bay na sr. Dufi Kock y su sra. Ija Kock, kende a fungi como e contacto entre e school y ANA na prome instante. 

Emmy BertholdschoolBishita Di Emmy Bertholdschool F.o.1Bishita Di Emmy Bertholdschool F.o

Related posts

Angelique Stuger lo anima y pone nos 60+ baila y gosa den temporada di carnaval

EA News Author

“Aruba One Happy Island Lions Club ta cumpli su prome lustro sirbiendo esnan den comunidad cu ta den necesidad”

EA News Author

Ronella Croes, C.E.O. di A.T.A. durante e ceremonia di conmemoracion di dos aña di COVID-19 na Aruba: “Mientras nos ta sigui adapta na e realidad nobo cu nos ta aden, si nos sigui traha hunto y nos sigui haci uzo di nos resiliencia Arubiano, nos lo yega hopi leu. Laga nos mantene e enseñansanan aki cu Covid-19 a laga pa nos

EA News Author

Leave a Comment

Whatsapp Message