Bonaire Featured

Miss Tourism Bonaire 2023 a firma kontrakt ku Tourism Corporation Bonaire


Nos flamante Miss Tourism Bonaire 2023 Caroline Porras a firma kontrakt relashoná ku su reinado komo Miss Tourism Bonaire i Bonaire Ambassador. Esaki a tuma lugá riba djamars 17 di yanüari 2023 na Sebastian’s Restaurant.

Miles Mercera CEO di Tourism Corporation Bonaire (TCB) a komparti e metanan i strategía pa 2023 ku nos Miss Tourism Bonaire Caroline Porras. Angelo Domacasse Event Coordinator di TCB a entregá Caroline su planifikashon pa 2023, ku ta indiká diferente proyekto i aktividat kaminda Caroline mester forma parti i/òf mester ta presente.

Despues di esaki e parti ofisial di firmamentu di e kontrakt a tuma lugá den presensia di Caroline su mayornan. E tarea di nos Miss Tourism Bonaire ta pa traha huntu ku TCB riba diferente proyekto i aktividat relashoná ku merkadeo, pa por promové nos dushi isla. 

TCB ta yama Caroline bon biní den e tim i nos tin sigur ku e lo kumpli ku su tareanan komo Miss Tourism Bonaire i komo ‘Bonaire Ambassador’.

Related posts

Deskulpa pa sklabitut den un kolonia

EA News Author

Tur cos ta cla pa Port City bay destaho publico

EA News Author

Varios luz di caya cu ta cay bao di DOW ta pasa pa Elmar

EA News Author

Leave a Comment

Whatsapp Message