BonaireFeaturedInternacional

Moshon entrega dor di Renata Domacassé den konseho insular a keda aseptá unánimamente

Renata Domacasse

Dia 30 di òktober 2018 miembro di frakshon di MPB, Renata Domacassé den
konseho insular, a entregá un moshon ku a keda aseptá unánimamente. E moshon a mustra
riba e desperdisio di plèstik ku ta forma un problema grandi i ku 80% di tur desperdisio den
oséanonan ta konsistí di plèstik. Esaki ta kondusí na formashon di konsentrashonnan gigantesko
di desperdisio di plèstik ku ta keda drif riba laman.

Mas ku klaro e tantísimo saku di plèstik – inkluso nos propio plèstik – ta forma un peliger grandi
pa dos yoia di nos isla ku ta nos ref di koral ku ta stek ora e sakunan ku ta drirf keda pegá i
diferente spesi di animal den nos laman, entre otro nos turtuganan. E dos bunitesanan aki ta di
sumo importante pa e habitante di Bonieru i tambe ta atrakshonnan prinsipal pa turismo. E
moshon a instruí kolegio ehekutivo di entidat públiko di Boneiru drenta un trayekto pa yega na
prohibishon di uso di baki di kuminda di fom, saku di plèstik desechabel ku ta usa un baiha so i
tambe e richi di plèstik pa bebe kun’é, entrante promé di yanüari 2020.

Ku gran satisfakshon e frakshon di MPB a tuma nota di un karta di kolegio ehekutivo ku fecha
29 di aprel 2021, kaminda kolegio ehekutivo ta ofresé na konseho insular un ordenansa den
konsepto ku lo bai prohibí uso di produktonan di plèstik desachabel. Mester menshoná tambe
ku entre e ministerio di Infrastruktura di Hulanda i entidat públiko di Boneiru, dia 17 di yüli
2019 a keda firmá un deklarashon di intenshon, pa den fase eleminá produktonan di plèstik
desachabel.

Den e reunion públiko di konseho insular dia 19 di òktober último, miembronan di konseho
insular a bai di akuerdo ku e ordenansa. MPB ta masha kontentu ku a buta man pa por a pasa
un ordenansa di sumo importansia pa e isla di Boneiru. MPB ta konsiente ku ainda e gera no ta
ganá i falta masha hopi mes pa hasi ainda, pa asina nos por skapa i drecha nos medio ambiente
riba i bou di laman. Pa e motibu aki mes MPB ta enkurashá un bon koperashon entre
organisashonnan manera Stinapa, Selibon i Ministerionan.

Miembro di frakshon di MPB, Edwin Domacassé a probechá di e okashon pa entregá un mas
moshon ku ta instruí kolegio ehekutivo pa sigui amplia riba e ordenansa pa inkluí mas
produktonan di plèstik desachabel ku ta dañino pa nos medio ambiente. Tambe a instruí
kolegio ehekutivo pa sondeá e posibilidat i despues konhutamente ku konseho insular introdusí
un asina yamá depósito (statiegeld) riba produktonan desachabel manera bòter di plèstik.

MPB ta di opinion ku hasiendo esaki Boneiru ta dal un paso signifikante den direkshon di
durabilidat i ta yega mas serka na e meta di un ‘blue destination’ manera deskribí den e plan
stratégiko di turismo Boneiru.

###################################################################

NED

Op 30 oktober 2018 heeft MPB-fractie lid Renata Domacassé een motie ingediend. Deze is unaniem
aangenomen. De motie wijst op het feit dat plastic afval een wereldwijd een groot probleem vormt en
dat 80 procent van alle afval in de oceanen uit plastic bestaat, wat geleid heeft tot de vorming van
gigantische concentraties van drijvend plastic afval, die als een ‘plastic soep’ enorme gebieden in de
oceanen bedekt. Natuurlijk vormen deze grote hoeveelheden plastic – inclusief ons eigen plastic – een
gevaar voor twee juwelen van ons eiland namelijk het koraalrif dat verstikt wordt wanneer drijvende
tassen blijven steken en het koraal bedekken en tal van dieren, o.a. de zeeschildpadden. Deze juwelen
zijn van uiterst belang voor de bewoners van Bonaire en voor het toerisme.

De motie van oktober 2018 instrueert het Openbaar lichaam om een traject in te gaan om te komen tot
het verbod van het gebruik van polystyreen (foam) voedselcontainers, plastic wegwerptassen voor
eenmalig gebruik en plastic rietjes per 1 januari 2020.

Met grote genoegen heeft de MPB-fractie kennisgenomen van een brief van het bestuurscollege
gedateerd 29 april 2021, waarin het bestuurscollege een wetsvoorstel in concept aanbiedt waarmee
plastic wegwerpproducten worden verboden. Er moet ook genoemd worden dat het Nederlandse
Ministerie van Infrastructuur en het openbaar lichaam Bonaire op 17 juli 2019 een intentieverklaring
hebben getekend om wegwerp plastic producten in fasen worden geëlimineerd.

In de openbare vergadering van de eilandsraad van 19 oktober jongstleden zijn leden van het
eilandsraad akkoord gegaan met het wetsvoorstel. MPB is blij dat er werk is verricht om deze zeer
belangrijke wetsvoorstel aan te nemen. MPB is ook bewust van het feit dat de strijd nog niet is
gewonnen en dat er veel meer gedaan moet worden om ons milieu boven en onder water te
beschermen en te verbeteren. MPB moedigt in dit verband ook goede samenwerking aan met
partnerorganisaties zoals de ministeries, Stinapa en Selibon.

MPB Fractielid Edwin Domacassé heeft gebruik gemaakt van de gelegenheid om een nog een motie in te
dienen dat het bestuurscollege instrueert om het wetsvoorstel uit te breiden om zodanig meer plastic
wegwerpproducten toe te voegen aan de lijst. Ook wordt het bestuurscollege geïnstrueerd om de
mogelijkheden te onderzoeken en daarna in samenwerking met de eilandsraad een zogeheten
statiegeld in tevoren voor wegwerpproducten zoals plastic flessen.

MPB is van mening dat hiermee Bonaire een betekenisvolle stap kan maken richting duurzaamheid, een
schoon en mooi eiland.

Related posts

E vacuna ta e instrumento pa acelera recuperacion di nos economia

EA News Author

Na Boneiru a haya curpa sin bida riba Kunuku den Bolivia

EA News Author

Tin 7 persona mas ku a tèst positivo riba Covid-19 awe 21 di sèptèmber 2020 na Boneiro

EA News Author

Leave a Comment

Whatsapp Message