Abo ta kere cu den tempo dificil oposicion por maneha Aruba? Ningun gobierno por cambia situacion financiero di Aruba a corto plaso. Aruba ta confrontando retonan financiero grandi, cu a wordo empeora ainda mas dor di e pandemia di covid pero e situacion financiero cu mester a wordo regla, ta data for di prome cu e pandemia y e tin cu wordo atendi y soluciona, pa e actual gobierno of pa cualkier otro gobierno cu lo kier tuma over.
Ta bon pa mustra cu ta for di 2015 a firma un protocol cu Hulanda pa atende cu e situacion financiero cu pais Aruba tabata confrontando cu nivel di deber cu e pais tabatin y esaki a wordo firma pa gabinete Mike Eman, mirando cu ya caba Hulanda tabatin wowo riba e mal maneho di Gabinete Mike Eman.
Na 2018 a firma un di dos protocol cu gabinete Evelyn Wever Croes a firma pa atende cu mesun situacion financiero di e pais y cu a bira ainda mas serio ora cu pandemia a dal henter mundo.Gabinete Evelyn Wever Croes a confronta su mes cu dos golpi, uno e situacion finansiero cu Gabinete Mike Eman a laga atras cu pueblo a pidi otro y a ricibi otro. DI dos cu ta e Pandemia cu a drenta den 2019, net un aña despues cu Gabinete Evelyn Wever Croes a tuma mando pa por mehora Aruba si situacion cu Gabinete Mike Eman a laga atras.
E caos financiero tabata y ainda ta grandi y cu tin cu atende cu esaki caminda ta mas claro cu tin cu tuma medida cu no ta haci ningun gobierno popular pero ultimo tempo por mira con oposicion ta hungando politica barata insinuando cu medidanan ta producto di gabinete Wever Croes, ocasiona pa e gobierno aki, loke no ta totalmente corecto. E insinuacionnan aki no ta solamente di Gabinete Mike Eman, pero tambe di e dinosaurio den politica cu ya no por subi ningun lista mas paso no por traha cu ningun hende y a lanta su mes un partido MAS.
Diferente gobierno di pasado, nunca a traha pa reduci e debe di pais Aruba, al contrario pa medio di proyectonan conoci como PPP projecten, a percura pa un aumento drastico di e debe nacional di e pais caminda net e ultimo dos periodonan di gobernacion di gabinete Wever Croes, ningun proyecto PPP a keda ehecuta.
E puntamento di dede riba e actual gobierno, ta ser haci pa algun politico cu a forma parti di e aumento di Aruba su debe nacional y den ultimo cinco aña, no a duna ningun tipo di recomendacion pa yuda den alivia e situacion financiero delicado cu nan tambe a hinca e pais aden.
Ultimo luna y simannan por scucha hopi comentario di un eleccion nobo, di un cambio di gobernacion pero realidad di e situacion ta cu na e momentonan aki, no tin partido politico cu por sigura pueblo cu nan tin solucion pa e debenan di pais Aruba.
Tres fraccion di oposicion den casi un aña den parlamento, no a presenta ningun alternativa na gabinete Wever Croes cu lo por ta mustra cu nan tin un solucion adecuado con pa atende y soluciona e situacion financiero di gobierno.
Un eleccion a corto plaso no ta recomendabel ya cu e lo bira otro gasto financiero grandi pa gobierno, sin cu esaki tabata necesario ya cu ta apenas un aña cu pueblo a haci su escogencia riba kende e kier pa goberna e pais.
Actualmente por mira cambionan di structura cu Gabinete Wever Croes ta bin ta haciendo, pero tur esaki nan ta necesario pa hisa e nivel y maneho di gobierno pa Aruba general su mes un bienestar. Cu e ta haci dolor si e ta haci dolor, mirando cu un custumber di malo lo mester bira bek pa loke ta regla y cambio. Awe un biaha mas oposicion por a demostra malcriades den parlamento y no solucion pa lucha pa Aruba, unda cu a bandona parlamento sin atende y enfrenta retonan cu Aruba ta pasando pa asina hunto bin cu solucionnan pa hiba Aruba padilanti.