Durante un bishita oficial na Hulanda, parlamentario Edgar Vrolijk a reuni cu diferente instancia y orgaan parlamentario. Un di e punto importante den su agenda tabata un bishita na Eerste Kamer ,unda el a haci entrega di un dossier titula “HOFA”.
Segun Vrolijk, e documento ta sirbi pa presenta na Eerste Kamer e punto di bista di Aruba tocante e proposicion di ley di Reino relaciona cu HOFA. E dossier ta contene analisis, preocupacion y consideracion politico riba e impacto cu un posibel Rijkswet HOFA por tin riba autonomia y e manera di goberna financiero di Aruba.
Vrolijk a indica cu el lo elabora mas riba contenido di e dossier durante su contactonan siguiente, pa asina garantisa cu e posesion di Aruba ta cla y bien representa den discusion cu ta tuma luga den Reino.
Cu esaki, Aruba ta pone su voz den proceso di dialogo regional, mientrastanto debate tocante HOFA ta sigui forma parti prominente di discurso politico actual