PoliticaFeatured

Parlamentario Ricky Hoek (MEP): Lo presenta un mocion pa acelera Mediaraad durante presupuesto 2022

Dsc09885

Libertad di expression ta un di e derechonan humano mas conoci y ta abarca diferente tema. En particular articulo 19 den e Declaracion Universal di Derecho Humano ta papia di esaki. E articulo 19 ta bisa: tur persona tin derecho na Libertad di opinion y di expression. E derecho aki ta inclui e libertad di tin un opinion sin ningun tipo di interferencia y di busca, ricibi y difundi informacion y ideanan pa cualkier medio y sin consideracion di fronteranan. Den mi calidad di parlamentario cu ta para pa e derecho humano di e pueblo pa por ricibi noticia alcaso, mi lo presenta un mocion durante reunion di presupuesto 2022. E mocion tin como meta pa acelara e proceso pa bin cu e Mediaraad (Conseho di Media) mas pronto cu ta posibel pa asina pone un paro na e iregularidadnan den media y hisa calidad di prensa na Aruba. 

 

Dicon e mocion aki ta importante?

Un topico cu tawata hopi presente ultimo den prensa como tambe riba medionan social ta e Libertad di Prensa. E ta importante pa prensa por haci su trabou manera debe ser y busca informacion y tambe comparti informacion corecto basa riba hechos pa asina duna e consumidor oportunidad y espacio pa forma su mesun opinion. Sinembargo ultimamente por a tuma nota di un cantidad di desinformacion y e posicion patricularmente di e politiconan den prensa. Ta hopi importante pa bo por bisa y skirbi loke bo ta pensa. Pero tin ora tin e discusion riba cierto declaracion cu un persona ta trece publicamente, sea ta cuadra cu e realidad of no. Considera por ehempel algun dia atras ora un medio di prensa, concientemente ta cambia e noticia su contenido cu ta basa riba hechos y despues ta presenta na pueblo. Cu ta cambia e titulo di e noticia pa haci’e mas atractivo pa hende lesa por compronde, pero ora ta bay na cambia frase, cambia e contenido y crea cosnan cu no ta existi rond di un noticia djis pa ‘exposure’ y ‘fama’ e ora si ta un problema. Unda e liña di “Libertad” ta core? Ken ta dicidi kico e limitenan ta?

 

Kico e Mediaraad aki ta?

Banda di e derechonan humano, especialmente articulo 19, Prome Minister di Aruba Sra. Evelyn Wever-Croes ta menciona den su relato anual di 2021 – cu a ser publica 21 di maart 2022 – riba pagina 14 bou di punto 1.3 ‘Communicatie’, cu lo ta sigui traha riba e introduccion di un ‘Mediaraad’ (Conseho di Media). E intencion ta cu e gobierno lo institui un fundacion bou di nomber ‘Mediaraad’. E Conseho di Media aki lo tin como tarea pa fungi como organo consultativo cu lo conseha tanto gobierno y e autoridad di control di telecomunicacion. E consehonan lo ta riba un maneho di media, e ehecucion di maneho di informacion y asesora e medionan di comunicacion. E directiva di e Conseho di Media lo consisti di un presidente independiente, y un maximo di cuatro miembro mas. E miembronan lo wordo nombra a base di un presentacion di candidato door di e radio emisoranan, prensa skirbi, emisoranan di television y e organisacion di consumidornan.   

Related posts

Parlamentario Alan Howell ta sigui pusha pa mas adelanto pa San Nicolas

EA News Author

Minister di Finansas Xiomara Maduro: Lo realisa diferente proyecto cu e entrada extra

EA News Author

Minister di Enseñansa y Deporte Endy Croes :‘Mi caso andando ta cu e compania cu a skirbi rapport falso pa lotto, no contra lotto’

EA News Author

Leave a Comment

Whatsapp Message