Featured Curacao

Parlamentario Seferina di MFK: Ta lamentá Esnan mes ku a kòrta den Fundashon Kuido di Ambulans Kòrsou awe ta yora ku no tin ambulans


Miembro di Parlamento David Seferina a tuma nota ku na diferente okashon ta mal informá pueblo i tambe trese pániko den pais tokante e situashon alarmante di ambulans.

Komo representante di pueblo ta bo deber di duna e informashon korekto na komunidat. Sin mas no tin ningun kaso alarmante manera ta bin padilanti. Fundashon Kuido di Ambulans Kòrsou (FKAK) ta disponé di 7 ambulans kual, 4 di nan ta di aña 2014 i 3 di nan ta di 2017. Di esaki 1 di e ambulansnan aki ta den reparashon di manera ku ta yega na 6 ambulans ku ta operashonal. Tin 3 ambulans ku ta disponibel na kada pòst kual ta Barber, Zakitó i tambe Montaña i banda di esaki tin 1 ambulans di reserva manera den e “verguningsvoorwaarde” ta preskribí.

Parlamentario Seferina ta lamentá ku gobièrnu di “aquel entonces” durante di aña 2018 i 2020 a kòrta 4.2 mion florin for di FKAK ku tabata destiná pa kumpra 3 ambulans nobo i tambe un parti di esaki pa mantenshon. E tempu ei a kita plaka for di e pòst pa kompra di ambulans pa FKAK i a hasi invershonnan den Selikor. Pero awe e mesun hendenan ku tabata sostené gobièrnu e tempu ei, ta para na otro banda i grita ku no tin ambulans i ku e gobièrnu aktual ta warda te ora baka hoga na pos pa resolvé e problema.

P’e motibu aki mes parlamentario pa frakshon di MFK, David Seferina ta hasi un apelashon na Gobièrnu pa sigui vigilá henter e situashon rondó di ambulans i kaminda ta nesesario, pa kumpra mas ambulans di manera ku ta sigui mantené un kalidat haltu di kuido den sektor di salubridat públiko.

Related posts

Ta extende maneho di Ministerio di Husticia pa cu rijbewijsnan cu a vence of ta bay vence

EA News Author

Indeksashon alimentashon entrante yanüari 2021

EA News Author

Minister Endy Croes a bishita Expo & Feria di muchila creativo

EA News Author

Leave a Comment