CuracaoFeaturedInternacional

Parlamentario Seferina satisfecho kon Minister Cooper ta asfaltando nos kareteranan

Parlamentario Seferina

Ku hopi satisfakshon, suskrito Miembro di Parlamento pa frakshon di MFK, David Seferina a tuma nota ku Minister di Tráfiko, Transporte i Planifikashon Urbano ing. Charles Cooper ta kumpliendo ku palabrashonnan hasí na pueblo di Kòrsou, esta, di duna atenshon na nos kareteranan.

Frakshon di MFK a tuma nota ku último añanan estado di nos kareteranan a bin ta deteriorá pa falta di mantenshon struktural. Esaki a trese un riesgo serio pa seguridat di tur usuario. E burakunan profundo riba nos kareteranan a trese basta daño material na nos outomobilistanan i ta kousa peligernan ku por resultá den aksidentenan serio. Tur esakinan a pasa, debí ku e prioridat di e gobièrnunan di turno no tabata pa infrastruktura.

Den kampaña elektoral di 2021 ing. Charles Cooper a kore ku su lema “infrastruktura ta mi beibi”. Despues di kasi 8 aña porfin Gabinete Pisas ll bou di enkargo di Minister Charles Cooper a sa di duna prioridat, dor di pone atenshon na infrastruktura di Kòrsou. Den nos akuerdo di Gobernashon 2021-2025 ta ankra, ku Gabinete Pisas ll lo bai implementá e plan di infrastruktura mas grandi den historia di Kòrsou. Minister Cooper ya kaba a introdusí e “Meerjaren Onderhouds Programma” (MOP) ku ta un programa di término largu pa mantenshon di nos kareteranan. Esaki ta trese diferente benefisio pa pueblo di Kòrsou;

  1. e ta stimulá bo ekonomia dor di invershonnan kuantioso den infrastruktura; 
  2. e ta drecha kalidat di bida di e siudadanonan den barionan;
  3. e ta krea kuponan di trabou pa kontratistanan.

Ku e akto aki pueblo di Kòrsou por mira klaramente ku Minister Cooper ta kumpliendo ku su promesa ankrá den e akuerdo di gobernashon kaminda lo bai drecha nos kareteranan den un término largu pa nos tin un Kòrsou mas sigur. 

P’esei na nòmber di frakshon di MFK mi ke felisitá Minister Cooper pa e tremendo trabou hasi pa pueblo Kòrsou.

Related posts

Deseo tin entre e islanan den Caribe pa Hulanda pidi pordon

EA News Author

E posicion contradictorio di partido MAS riba e RAft

EA News Author

Trece un balance di kico ta come den temporada di fiesta ta importante pa nos tur

EA News Author

Leave a Comment

Whatsapp Message