Dialuna mi a keda invita pa VNO pa ta presente na Renaissance Convention Center pa ta presente na e live stream caminda prome minister Mark Rutte for di Archivo Nacional na Hulanda a presenta reaccion di Gabinete riba e rapport ‘Ketenen van het verleden’ di e colegio di conseho grupo di dialogo pasado di sclavitud y alabes e la tene un discurso importante.
Despues di prome minister Mark Rutte Secretario di Estado, Eric van der Burg, cu ta na Aruba actualmente, a tene un discurso adicional caminda e la duna splicacion di e reaccion aki na nomber di Hulanda. E la para keto riba e papel cu estado Hulandes a hunga den e pasado di sclavitud den e parti Caribense di Reino y specificamente Aruba.
P’ami sigur, manera subraya pa Minister President di Aruba, Evelyn Wever-Croes, awe ta un dia historico caminda prome minister Rutte den nomber di Gobierno di Hulanda a pidi disculpa y a reconoce cu sclavitud ta un crimen contra humanidad. Awe a keda enfatisa cu e atencion pa e topico aki no lo keda na awe si of na un disculpa so. E ta continuacion di dialogo pa hunto nos stipula e trayecto con lo percura pa restaura, recupera y logra reconciliacion.
E topico di esclavitud ta un topico cu durante e delaster reunionnan di IPKO a forma parti di e agenda. Un topico pisa y yena di emocion. Un topico cu mester haya su debido atencion y Parlamentonan den reino ta dunando esaki sigur.
I am text block. Click edit button to change this text. Lorem ipsum dolor sit amet, consectetur adipiscing elit. Ut elit tellus, luctus nec ullamcorper mattis, pulvinar dapibus leo.