Saba Cares y St. Eustatius Health Foundation (SEHCF) a uni na e aliansa Hulandes di Hospitalnan di Caribe (DCHA) . Hospitalnan di Aruba, Boneiro, Corsou y St Maarten a establece nan mes como miembro di DCHA for di juni 2022 y awo Saba y St. Eustatius tambe ta forma parti como centro mediconan.
Na momento cu nan uni na DCHA esaki ta significa cu nan tin hopi bentaha, segun Saba Cares y SEHACF. Asina tambe nan organisacion ta bira mas fuerte na momento cu nan traha hunto cu DCHA y na mes momento ta permiti pa por duna un miho servicio na cada comunidad.
DCHA como organisacion di cooperacion ta uni e hospitalnan cu extension medico na centro medico di Saba y Statia pa asina yuda mutuamente cu e educacion y capacitacion di personal. Tambe lo promove pa mehora e atencion medico complica pero di un calidad halto.
Na momento cu ofrece mas atencion y duna e servicio medico specialisa mas di cerca di cas na Aruba, Boneiro, Corsou y St Maarten menos pashent lo mester keda manda den exterior na hospitalnan manera esunnan di Colombia y Hulanda. E preparacion pa por a haci e convenio aki a cuminsa dos aña atras durante di e pandemia di COVID-19.