Bonaire

Partido Demokrat ku kambio di miembro den Konseho Insular

Unknown 2

Durante di e reunion general di Partido Demokrátiko Boneriano, ku a tuma lugá djasabra anochi 19 di mart último, e presidente nobo a anunsiá ku lo bini un kambio den e miembronan di partido ku ta forma parti di Konseho Insular.

E kambio tabata planiá for di basta tempu kaba, pero debí na diferente sirkunstansia, esaki no por a tuma lugá mas promé. E kambio tin di aber ku e maneho aktual pa duna mas hende e oportunidat pa haña mas eksperensia ku e parti legislativo i tambe polítiko. Ta un realidat ku pa drenta entre otro Konseho Insular, e persona no mester konosé polítika so, pero tambe e WOLBES, FINBES i e Reglamentu di Ordu di Konseho Insular. Pa Partido Demokrátiko Boneriano esaki ta algu primordial ku kada miembro mester sa i konosé. Di otro banda ta rekonosé tambe ku aktualmente Partido Demokrat tin un lider polítiko ku ta Clark Abraham ku konosé tur esakinan i ku ta danki na dje ku Konseho Insular por funshoná un poko. Komo tal e miembro nobo ku lo bai drenta pa Partido Demokrat den Konseho Insular lo tin un bon persona pa gui’é kaminda mester den Konseho Insular i tambe polítikamente.

E kambio den Konseho Insular lo ta ku señor Michael Pieters, aktual konsehal den Konseho Insular pa Partido Demokrátiko Bonerinao, lo tuma su retiro. Na su lugá lo drenta señor Daniel (Dani) Crestian. Mester bisa ku ora a presentá e kambio di Konseho Insular pa Partido Demokrat, sala den su totalidat a apoyá esaki, i a duna su aprobashon unánimamente. Esaki ta un señal bon kla ku e miembronan di Partido Demokrátiko Boneriano ta di akuerdo ku e kambio. Dani Crestian ta ñetu di defuntu Nechi Crestian, ku tabata un di e piedranan di FOGON na lantamentu di Partido Demokrat na aña 1954. Tur presente na e reunion general di Partido Demokrat a desea Dani hopi forsa i éksito den su funshon komo konsehal. Na su turno Dani a splika sala lo siguiente: “SI BO NO POR SIRBI BO KOMUNIDAT, BO NO TA SIRBI PA GOBERNA,  pa e próskimo elekshon Partido Demokrátiko Boneriano ta e úniko opshon pa un kambio i pa sigurá un mihó Boneiru.”

 

Demokrat...

Related posts

Presidente di partido MPB: Vota pa defunto Jan Kloos e vota ta valido

EA News Author

Kolegio Ehekutivo a kuminsá ku e proseso pa tur luna aktualisá preis di gasolin na Boneiru

EA News Author

Diferente puntonan riba tereno trata den conseho insular

EA News Author

Leave a Comment

Whatsapp Message