Local

Pastor Marcel Balootje: Desobedencia y rechaso di Dios , ta hiba hende na perdicion

Pastor

Juan 3:16-18 ta hala un liña hopi straight den bida di tur hende, esun cu kere lo ta salba y esun cu no kere lo ta condena.

Juan 3;36 ta bolbe confirma esaki : Esun cu kere den eYiu tin bida eterno, ma esun cu no obedece e Yiu lo no mira nada, ma e furia di Dios ta keda riba dje.

Nos ta purba di tur manera di splica y ilustra pa tur hende por compronde e peliger cu tin tur dia den bida di hende cu no a tuma un decision pa Cristo Hesus, of cu no kier tuma e decision pa Cristo Hesus, pero tambe pa esnan cu a tuma un decision pero despues a bek atras.

Hopi biaha bo ta papia cu hende y nan ta bisa bo, kico mi a haci? No husgami,wak e sushi den bo mes wowo prome, pero tur esakinan ta excuus barata pa permanece den mesun error, pasobra e diabel ta campeon den camouflage. 

Diariamente tin hende cu den palabra y actitud ta rechasa Dios y nan ta ignora nos Creador bibando den capricho y un curason cu no kier arepenti, buscando un aceptacion tur caminda, pasobra nan no kier somete na e palabra di Dios.

Esun cu rechasa e palabra di Dios , a rechasa Dios mes, pasobra nan ta lubida cu Cristo Hesus ta e unico speransa pa husticia.

Caminda mentira ta domina, e Spirito di Dios ta aleha, tristo ora nos mira hende cu mester sa mihor ta acepta bagamunderia y inmoralidad, y ta lubida cu e palabra di Dios ta bisa pa nos no sea complice, pero expone tur obra di scuridad.

Dios ta lus y den dj’E no tin nada, nada di scuridad. Esun cu ta cana den scuridad no conoce Dios pasobra Dios ta lus.

Dios ta pordona tur nos picanan ( Salmo 103:3) pero e rechaso di Dios ta hiba nos na condenacion.

Pasobra Dios su cariño y su bondad a wordo ofrece na nos pero hopi ta rechase.(Juan 5:43).

Tur hende tin e oportunidad pa repenti y drecha cuenta cu Dios, pero esnan cu ta rechasa constantemente e palabra di Dios, pa nan no tin salida.( Juan 12:48).

E mundo ta den rebeldia, pero e oportunidad, pa sali for di den scuridad y bini na Cristo Hesus, keto bay ta posibel awe, pasobra mayan no ta primiti na ningun hende.

E palabra di Dios ta bisa lo siguiente: Pasobra cu palabranan arogante y bano nan ta tenta pa medio di deseonan carnal, pa medio di sensualidad,esnan cu apenas ta scapa di esnan cu ta biba den eror. Y ta priminti nan libertad, mientras cu nan mes ta esclabo di corupcion, pasobra door di loke un hende ta wordo venci, door di esaki e ta wordo esclavisa tambe.( 2 Pedro 2;18+19).

E tempo ta mustra nos con hopi hende dia pa dia ta wordo esclavisa den inmoralidad, y nan ta haña sosten cu cambio di ley, cu tur tipo di engaño diabolico pa asina rechasa Dios y su palabra.

Ta un peliger grandi pa nos hubentud lanta den rebeldia y rechaso contra e palabra di Dios.

Ta tristesa y hopi dolor ora nos mira famia cu mester di Cristo ta cana leu y no ta busca ayudo den e palabra di Dios, pero ta yena cu sensualidad y arogancia, nos ta pidi Dios tene misericordia.

Dia pa dia bofonadornan ta aumenta, pero e amor di Dios nunca lo caba, e ta extende tur dia na esnan cu tin mester di salbacion.

Related posts

Pastor Marcel Balootje: Salbacion ta gratis pa tur hende

EA News Author

Cuidadornan di preso

EA News Author

OM den apelacion contra decision huez-comisario den investigacion Flamingo

EA News Author

Leave a Comment

Whatsapp Message