Laga esun cu tin horea tende, y esun cu tin wowo mira, pasobra ora hende dicidi cu nan ta rechasa e palabra di Dios, y sigi persisti den inmoralidad sexual, rebeldia y murmuracion e consuencia lo ta serio pa hende.
No ta pornada ta para scirbi den Romanonan 1:28-32 y mescos cu nan no a haña ta necesario mas pa reconoce Dios. Dios a entrega nan na un mente perverso, pa haci cosnan cu no ta cumbini: Nan ta yen di inhusticia,maldad, golosidad, perversidad, yen di envidia,matamento,pleito,engaño,malisia,nan ta hacido di redo,calumniado,odiado di Dios,grosero,arogante,gabado,inventado di maldad,desobedecido na mayornan. Sin comprendemento,inconfiabel,sin amor,sin misercordia. Y maske nan conose ordenansa di Dios, cu esnan cu ta pratica e cosnan asina merece morto, nan no ta solamente haci mescos, ma cu gusto ta duna aprobacion tambe na esnan cu ta practica e cosnan aki.
No ta existi den presencia di Dios, un temporada cu hende ta wordo permiti pa haci malo, y despues di di dje ta bini un temporadad di reconciliacion cu Dios.
No ta exiti un temporada di infieldad na Dios y un temporada di ta fiel na Dios, tur esaki ta rebeldia y enseñansa robes y doctrina falso di hende.
Pasobra si ta para scirbi cu lo bo stima Señor bo Dios, cu henter bo curason, y henter bo mente y cu henter bo alma, esey ta nifica cu nos ta pertenece na Dios solamente.
Den un matrimonio ningun hende kier permiti infieldad, ningun homber no ta permiti su muher, tampoco ningun muher ta permiti su homber bay keda serca su byside.
Awel si nos mes cu ta hende no ta permiti esey, con nos por kere cu Dios cu ta Santo, lo kier comparti nos bida cu diabel.
Ora nos ta determina pa bay contra boluntad di Dios, aunke cuanto conseho pa no haci esey nos por spera lo siguiente:
Confusion: 1 Corintionan 14:33.Pasobra Dios no ta un Dios di confusion sino di pas.
Conflicto; Efesionan 4:31.Laga tur amargura,furia, rabia,griteria,y calumnia,wordo kita for di boso,hunto cu tur malisia.
Duele; Jonas 1;3 Ma Jonas a lanta pa huy bay Tarsis for di e presencia di Dios.
Tur e cosnan cu a pasa cu hendenan desobediente den siglonan pasa ta un spiertamento pa nos den e tempo di awor pasobra nos Dios no a cambia.
Pesey e palabra di Dios ta adverti di temponan trabahoso cu lo bini, y cu nos tur ta mira locual ta sosode, y cu ta pinta pa bira mas pio.
Tur locual ta desobedencia tin consecuencia severo, pa asina hende yega na arepentimento y busca Dios.
Pero tin hopi ta nenga e oportunidad rechasando Dios, y sigi den e caminda di scuridad, inmoralidad, bruheria, idolatria y malicia. ( Juan 3 :16-19).
Palabra di Dios ta splika bon cla den 2 Pedro 2:1-3 cu lo lanta siñadornan falso, cu lo pone hende sigi e caminda di sensualidad, y pa nan motibo e caminda di berdad lo wordo blasfema.
Palabra di Dios ta bolbe recorda nos tur atrobe den Romanonan 2:5 bisando: Ma pa motibo di bo capricho y bo curason cu no kier repenti, bo ta montona furia pa bo mes,den e dia di furia, y revelacion di e huicio husto di Dios,kende lo paga cada un segun su obranan.
Laga nos permanece den oracion, pasobra aunke a wordo demostra, cu den mayoria di parada aña tras di aña tabatin bringamento, y detencion, toch hende ta sigi, yena na curpa cu alcohol,droga, demostrando perversidad, y otro tiponan di bagamunderia, Dios tene misericordia.
Pesey e Palabra di Dios , mester wordo predica constantemente pa hende arepenti.