FeaturedSt Eustatius

Statia lo ricibi 10 miyon euro for di Hulanda pa mehora condicionnan di bida, cas y trabou

Statia Lo Ricibi 10 Miyon Euro For Di Hulanda Pa Mehora Condicionnan Di Bida Cas Y Trabou

Un cantidad di sectornan clave di Statia lo beneficia di un inyeccion di cen di 10 miyon euro for di Hulanda. E fondonan ta forma parti di 386,4 miyon di euro extra di e estado disponibel pa 22 region a traves di e asina yama “Regional Deals”.

Cada region por uza e placa pa mehora e condicionnan di bida, cas y trabou di e habitantenan y empresarionan

“E ta un logro remarcabel pa Statia, ya cu e acuerdo ta concentra riba herencia natural y cultural y salud, un reconocimento di e importancia di e cultura y comunidad di e isla”, Reuben Merkman, e comisionado di e isla responsabel pa finanzas, a bisa.

E meta di e acuerdo regional ta pa fortalece e posicion socio-economico di Statia y na mes momento uza e atencion extra cu e isla lo ricibi pa Dia di Statia 2026 como un catalisado y un punto di referencia pa inversionnan na e isla den e areanan di herencia, cultura, salud, naturalesa y turismo.

Ta spera cu e acuerdo regional lo descurasha financiadonan eksterno nan potencial pa participa den e desaroyo social- economico di termino largo di e isla. Esaki na su turno ta spera di stimula e isla dor di mehora salud y cohesion social.

E cantidad di bishitante tambe ta proyecta pa aumenta como resultado di e desaroyo, restauracion y promocion di patrimonio historico y natural, incluyendo Madam Theatre, e Jardin Botánico y otro luganan importante rond di e isla, como parti di e conmemoracion di e pasado di sclavitud.

Ta haciendo esfuersonan concreto pa catalogisa, conserva y restaura obhetonan historico relaciona cu sclavitud transatlantico. Esaki ta inclui e posibel establecimento di un centro di investigacion, caminda diferente institucionnan di conocemento cu ta enfoca riba historia di sclavitud por colabora y e dunamento di sosten adicional pa un estudio di viabilidat y ereccion di un monumento conmemorativo.

 E exito di e esfuersonan aki lo conduci na mas prosperidad pa e habitantenan di Statia, ya cu ofrece experencia cultural y natural unico pa bishitantenan ta un punto clave pa e desaroyo socio- economico sostenibel di Statia. Tin varios intento cu a wordo haci anteriormente pa implementa innovacion nan, pero e forsa unificando di e acuerdo regional, unda hopi partido ta uni forsa, por duna e impulso corecto”, Merkman, e comisionado di e isla, a agrega.

Related posts

Ex Presidente S.C.U Richard Edward Peach: Mayornan mester laga muchanan haci un deporte y menos tras di computer of telefon

EA News Author

Pickup kier a subi Hyundai Accent

EA News Author

Carolyn Kelly yiu muhe di vicente kelly a fayece den exterior

EA News Author

Leave a Comment

Whatsapp Message