Local

Pastor Marcel Balootje: No sea conformista

Pastor Marcel Balootje

Un persona conformista, ta un persona cu sa den su curason cu algo no ta bon, pero pa complace cu mundo, e ta bay di acuerdo, e ta cana den dje, aprobando locual mundo ta ofrece, y rechasando locual ta Dios su boluntad.

Hendenan cu tin curashi di yama locual no ta sano, sano djis pa e relacion cu e mundo keda intacto pa nan banda, hendenan cu ta busca fabor di hende mas cu Dios, (Galationan 1:10).

Hendenan cu ta biba den un bida exactamente manera Isaias 5:20 ta prohibi pa di biba.

Nos no por biba segun e patronchi di e mundo aki, pasobra e patronchi di e mundo aki ta yena cu corupcion, inmoralidad y malicia.

Pesey den Romanonan 12;2 e palabra di Dios ta bisa,pa no sea conforme e mundo aki ma pa renoba nos mente pa nos por sa kico ta e bon,y agradabel, y perfecto boluntad di Dios.

No ta pornada Hesus a haci oracion pa tur esnan cu ta kere den dj’E bisando:

Mi no ta pidi Bo pa esakinan so, ma tambe pa esnan cu ta kere den Mi pa medio di nan palabra, pa nan tur por ta un,mescos cu Abo , O Tata, ta den Mi,y Ami den Bo,pa nan tambe por ta den Nos,pa mundo kere cu Abo a manda Mi. Y e gloria cu Bo a duna Mi, Mi a duna nan, pa nan ta un. Mescos cu Nos ta un,. Ami den nan, y Abo den Mi, pa nan por ta perfecto den unidad, pa mundo por sa cu ta Abo a manda Mi y cu bo a stima nan mescos cu bo a stima Mi.(Juan 17:20-23).

Mi a duna nan Bo palabra,y mundo a odia nan,pasobra nan no ta di e mundo, mescos cu Ami no ta di e mundo.Mi no ta pidi Bo, pa saca nan for di mundo, ma pa bo warda nan di e malbado. Nan no ta di mundo mescos cu Ami no ta di mundo. Santificanan den bo berdad, Bo palabra ta berdad.( Juan 17:14-17.

Esaki mi ta bisa anto, y ta afirma hunto cu Señor,pa boso no cana mas mescos cu e paganonan,tambe ta cana, den e vanidad di nan mente. Siendo tapa cu scuridad den nan comprendemento,exclui di e bida di Dios, pa motibo di e duresa di nan curason y nan perdiendo tur gevoel, a entrega nan mes na sensualidad, cu golosidad, nan ta practica tur sorto di impuresa. ( Efesionan 4:17-19).

Si boso a wordo lanta cu Cristo, pone boso bista anto riba e cosnan di ariba, caminda Cristo ta sinta na man drechi di Dios. Pone boso mente riba e cosnan di ariba, no riba e cosnan cu ta riba tera. Pasobra boso a muri y boso bida ta scondi den Cristo den Dios.( Colosensenan 3:1-3).

Mira pa ningun hende no cohe boso preso,door di filosofia,y engaño bano, segun tradicion di hende,segun e principionan elemental di mundo y no segun Cristo.( Colosensenan 2:8).

Pasobra nos no a trece nada den e mundo, y nos no por hiba nada for di dje tampoco( 1 Timoteo 6:7).

Tur hende sa, cu e obranan di carni cual ta aparece den Galationan 5:19-21 ta locual ta stroba hende di hereda e reino di Dios, pasobra obranan di carni ta pica, y nada locual ta pica no por drenta cielo.

Como yuinan di Dios, nos no por biba conforme e mundo aki.

No tene miedo, pasobra tur hende cu kier hiba un bida santo den Cristo Hesus lo wordo persigi( 2 Timoteo 3;12).

Ta tempo pa nos hala mas serca Señor.

Related posts

Si un idioma ta idioma stranhero/vreemde taal of no na un pais, ta depende di situacion, NO di opinion di hende

EA News Author

Informacion pa studiante cu ta bay biba na Hulanda

EA News Author

30 aña di cantica pa mucha 1993-2022

EA News Author

Leave a Comment

Whatsapp Message