Dios a crea tur cos, y ta soberano riba tur cos, esey ta nifica cu nos por depende riba Dios pa tur cos.
No tin ciencia ni technologia cu por surpasa e poder di Dios, no tin poder humano cu por iguala na esun di Dios, no tin rikesa cu por compara cu e grandesa di Dios.
Tur poder riba mundo sea politico of di monarkia ta limita, pero e poder di Dios ta eterno , den un palabra bisa Dios ta Todopoderoso, Omniciente y Omnipresente.
Tur locual cu nos ta pidi Dios, mester ta di acuerdo cu boluntad di Dios, pasobra tin hende ta kere cu Dios tin cu somete na nan boluntad en bes di nan somete na boluntad di Dios.
1 Juan 3:22-23 ta para scirbi: Y kico cu nos pidi, nos ta ricibi for di djE,pasobra nos ta warda su mandamentonan, y ta haci e cosnan cu ta agradabel den Su bista.esaki ta Su mandamento pa nos kere den e nomber di Su Yiu Hesus Cristo, y stima otro mescos cu E a ordena nos.
Den 1 Juan capitulo 5 vers 14-15 E palabra di Dios ta siña nos :Y esaki ta e confiansa cu nos tin Su dilanti, cu si nos pidi caulkier cos conforme Su boluntad,E ta tende nos. Y si nos sa cu E ta tende nos,
den tur loke nos pidi, nos sa cu nos tin e peticionnan cu nos a pidi di djE
Santiago capitulo 4 : 2 ta bisa: Boso ta cudisha y boso no tin, pesey boso ta mata,y boso ta envidia,y no por haña, pesey boso ta bringa y pleita.
Boso no tin pasobra boso no ta pidi, boso ta pidi y no ta ricibi, pasobra boso ta pidi cu motibo robes pa boso gaste den boso placernan.
Palabra di Dios ta bisa den Mateo 7: 7 +8 Pidi y lo wordo duna na boso, busca y boso lo haña, bati y lo wordo habri pa boso, pasobra ken cu pidi ta ricibi,y esun cu busca ta haña y pa esun cu bati lo wordo habri.
Marco 11:24 Hesus ta bisa: Pesey mi ta bisa boso tur locual boso ta pidi ora boso ta haci oracion, kere cu boso ta ricibie y e lo bira di boso.
Palabra di Dios ta siña nos cu tur cos cu nos pidi Dios den nomber di Cristo Hesus ,e lo duna nos (Juan 14;13).
Palabra di Dios ta bisa den Mateo capitulo 18:20: Atrobe mi ta bisa boso cu si riba tera dos di boso bay di acuerdo tocante cualkier cos cu nan pidi, esaki lo wordo haci pa nan door di mi Tata cu ta den cielo.
Den e rebeldia contra palabra di Dios cu ta avansa riba mundo( Mateo 24:12) hopi hende lo fria y nan ta cuminsa kere cu nan no por depende completamente riba Dios.
Pesey Proverbionan capitulo 3 vers 5 +6 Ta siña nos: Confia den Señor cu henter bo curazon, y no depende riba bo mes compredemento.Den tur bo camindanan reconos’E y e lo dirigi bo berea.
Juan 16:33 Cristo Hesus ta bisa: Y e cosnan aki cu mi a papia cu boso pa den Mi boso por tin pas.Den mundo boso tin tribulacion, ma tene curashi , Mi a vence mundo.
Isaias 41:10 :No tene miedo, pasobra Mi ta cu bo, no desmaya pasobra Mi ta bo Dios,lo Mi fortalese bo, si, lo Mi yudabo,si lo Mi sostenebo cu mi man drechi di husticia.