Awe 4’or di mainta Polis Motorisa tabata trempan riba pia pa dirigi un transporte importante. E wordo mira como un tradicion pero mas tanto ta pa e seguridad pa dirigi e transporte di containernan di klapchi pa e sitio di benta.
Tanto KPA como nos partnernan a prepara pa e ocasion importante aki pa asina percura un transporte sigur sin niun problema.
Bou direccion di Motor Unit tur container a yega nan destino sin niun problema y bon coordina.
KPA ta manda un suplica pa tur bendedornan pa tene nan mes na e reglanan como tambe sigui e intruccionnan di e permiso. Benta di klapchi ta inicia awe 27 december y lo termina 31 december 2024.
Cumpra y tira klapchi conscientemente. Mensahe na tur mayornan pa percura pa e seguridad di nos muchanan na momento di tira klapchi. Evita incidente pa asina habri un aña 2025 yena cu positivismo.
