LocalFeatured

Polis ta otorga permiso general pa gruponan di Gaita y Dande

Polis Ta Otorga Permiso General Pa Gruponan Di Gaita Y Dande

 Conoce e reglanan pa e permiso pa e temporada aki di fin di aña

Manera ta tradicion di tur aña, Alto Comisario di Polis sr. Ramon Arnhem, ta convoca un permiso general pa presentacion di gruponan di Gaita y Dande dilanti negoshinan riba nos isla. E permiso aki ta vigente cuminsando for di dia 1 di November 2022 te cu dia 31 di December 2022.         

Contacto: E permiso general aki ta mara na e condicionnan manera prome cu cualkier grupo por haci uzo di e permiso otorga den e convocacion aki e persona encarga cu e grupo mester tuma contacto cu e seccion di Planologia y Informacion di Cuerpo Policial durante oranan di oficina. For  di 7’or di mainta te 3’or di atardi y nan number di telefon ta 585-2500. Durante fin di siman por tuma contacto cu departamento di Planologia y Informacion via di Central di Polis na number di telefon 100. E personanan en cuestion lo controla si e luga caminda e actuacion lo tuma luga ta apropia of no. 

Reglanan: Gruponan di Gaita y Dande por haci nan presentacion te cu 10’or di anochi. No mag stroba ni trece trafico den peliger bou di ningun circunstancia. No mag laga sushi of cualkier desperdicio atras riba caminda publico despues di e presentacion. No mag toca den vecindario di misa durante sirbishi, hospital, casnan di anciano of otro instituto cu ta duna cuido medico, ni den vecindario di stacionnan di gasolin.

Recordatorio: E permiso aki ta conta specialmente pa Gaita of Dande.E permiso aki NO ta conta pa un banda, conhunto of agrupacion musical. Durante control Polis mira cu un banda of agrupacion musical ta tocando cu no ta gaita of dande lo para e evento cu consecuencia cu por haya un multa. Banda of agrupacion muscial mester busca un permiso.

Cuerpo Policial ta subraya cu mester obedece tur ordo di Polis relaciona cu Orden Publico y Polis ta autorisa pa para e evento na momento cu Orden publico ta rekeri esaki of na momento cu constata cu a viola cualkier di e condicionnan aki.

Polis Ta Otorga Permiso General Pa Gruponan Di Gaita Y Dande ..

Related posts

Minister Oduber hunto cu su Mahestad Reina Maxima y Minister Kuipers a haya un tour na “Md Anderson Cancer Institute”

EA News Author

Combati abuso di mucha ta prioridad number 1 di Gabinete Wever Croes

EA News Author

Desde dialuna 12 di september, 2022, Gobierno ta de-escala e fase di crisis y ta bay den fase di rehabilitacion

EA News Author

Leave a Comment

Whatsapp Message