Den oranan di mainta trempan alrededor di 6 or di mainta, a tene dos entrada hudicial den Rincon na Boneiro. Ta trata di un cas na Kaya Shoshori y un cas na Kaya Taki. E entradanan tabata den cuadro di un investigacion relaciona cu casonan di ladronicia ultimo tempo di vehiculonan, entre otro E-bikes y scooter. Na e cas na Kaya Shoshori a detene un homber di inicial P.L.P. di 21 aña di edad y un homber di inisial J.S.P. di 19 aña di edad. Na Kaya Taki a detene un homber di inicial R.S.D.W. di 19 aña di edad. Durante e entradanan a confisca diferente articulo relevante pa e investigacion. Investigacion den e caso ta continua.
Polisnan special a haci dos entrada hudicial den Rincon na Boneiro
