Fundacion Autismo Aruba ta hopi orguyoso pa bisa cu su presidente, Carolina Thiel-Span, a wordo selecciona como un di e 22 participante di 22 pais pa tuma parti den e entrenamiento internacional di Erasmus+ titula “Building Bridges of Inclusion & Accessibility”, cu lo tuma luga di 31 di maart te 5 di april 2025 na Atena, Grecia.
E entrenamiento ta financia completamente pa e Erasmus+/Youth Programme di Union Europeo i ta reuni profesionalnan comprometi cu inclusion, accesibilidad i ekidat social. E programa lo trata tema importante manera intersectionalidad, identidad, empatia, i e manera con nos por traha i relaciona cu hende, pa crea espacio mas inclusivo, sigur i solidario den nos comunidad i profeshon.
Den su aplicacion, Thiel-Span a bisa:
“Aruba ta un mosaiko cultural, i e entrenamiento aki lo duna nos un bista practico riba manera p
crea un ambiente mas inclusivo pa hende cu autismo i otro trastornonan di desaroyo.”
E a agrega: “E experiencia aki lo yuda nos hiba bek perspectivanan nobo i herment util pa Aruba, pa yuda educadornan, trahadornan social i profesionalnan cu ta traha den comunidadnan diverso. E entrenamiento aki ta relashona directamente cu nos mision pa promove ekidat i inclusion den tur nivel di sociedad.”
Participantenan a wordo selecciona riba base di nan motivashon i compromiso pa promove inclusion i accesibilidad den nan comunidad. E entrenamiento lo enfatisa strategianan practico pa sostene ekidat, comprension i inclusion cu significancia pa tur hende.
Fundacion Autismo Aruba ta sigui cu su esfuersonan pa boga pa un sosiedad caminda diversidad ta balora, i tur hende – sin importa nan abilidad of background – por haya oportunidad igual, e sosten necesario i respet.
Pa mas informacion tocante e trabounan di Fundacion Autismo Aruba, sigui nos riba Facebook & Instagram of manda nos un email na info@autismoaruba.org