Presidente nobo di Parlamento Marlon Sneek ta cla pa start cu tur trabao pendiente den parlamento di Aruba. Segun Presidente di parlamento un di e trabounan cu no a keda cla ta e independisacion di parlamento cu no ta un caminda facil, tur hende mester ta diacuerdo cu e posicion cu lo tuma y e ley cu tin unda cu tur henter parlamento ta diacuerdo cu e ley tambe.
Te ainda no a logra esaki, pero tin mas cu 65 % di trabounan cu a wordo haci y awor loke cu falta con e organo mester ta hinca den otro y e leynan cu mester wordo cambia pa haci parlamento oficialmente independiente. E trabou no ta algo imposibel pa haci pero mester tin tur e parlamentarionan den e mes un liña pa nan sinti nan mes bon den e proceso di cambio cu tan a beneficio di cada parlamentario na Aruba.
Un di e sentimentonan cu ta biba den comunidad ta cu hopi storia ta wordo conta den parlamento y tiki ta loke ta e contenido cu mester debati riba dje e comunidad no ta haya informacion di esaki. Segun Presidente di parlamento Marlon Sneek esaki ta algo cu lo bay tene cuanta cu ne pa e parlamentario nan keda alcaso pa asina garantisa cu e comunidad tambe ta sigui di kico realmente ta bay pasa. E comunidad ta haya falta di informacion na momento cu debati riba un ley y kico realmente ta bay pasa y kico e ley aki ta encera. Tiki ta e informacionnan di kico ta loke ta e cambionan cu e ley ta trece y si e ta beneficioso pa Pais Aruba y e ciudadano si of no. Presidente di Parlamento kier trata pa tin discursonan pa haci pret , pero cu kier un parlamento cu ta debati riba nivel y keda riba e tema cu ta debati riba dje.
Actualmente presidente di Parlamento lo bay haci un peticion na cada fraccion pa trata di por papia cu woordvoerders unda cu 1 parlamentario di e fraccionnan ta esun cu ta hiba palabra y no cada parlamentario y hopi biaha cada un di nan ta papia riba e mes un punto y esaki presidente di parlamento ta kere cu e ta perdemento di ora siendo cu por trata e reunion cui mas eficiencia y por caba cu e reunionnan mas trempan pa por sigui cu e otro reunionnan cu ta riba liña pa trata. Reunionnan den parlamento no ta un competencia di speech, pero e idea ta alcaso pa asina e votacion por tuma luga.
Loke cu mester ta bon cla cu e sistema democratico semper lo keda y semper e parlamentario tin e derecho pa e haci uzo di su 20 min y ningun hende no por kita esaki for di dje, pero na final di dia e presidente di parlamento ta esun cu por pone e minuutnan cu e ta pensa y kere cu por trata e ley dependiendo e grandura di e ley.
Actualmente Presidente di parlamento tin un concepto cu ta biba den un grupo den nos comunidad cu tin hopi parlamentario, pero tin sinta den parlamento nunca nan no ta bisa nada. Esaki ta un impresion cu tin den pueblo cu ta algun so ta papia y e restonan ta sinta pornada den parlamento, esaki no ta cuadra cu realidad. Presidente di parlamento ta kere ta importante pa parlamentarionan cuminsa mira un forma di pensa y traha diferente pa atende cu reunionnan den parlamento.
