Rey Willem Alexander, Reina Maxima y Prinses Amalia a baha for di avion na aeropuerto Reina Beatrix y a bay direccion Wilhelmina Park, aki e famia Real a conecta cu comunidad di Aruba, pero principalmente nos muchanan cu tabata contento di por a ricibi nan Rey,Reina y Prinses di Reino Hulandes. Por a mira e elegancia cu nan a bin cu ne tambe. Rey Willem Alexander cu su tuxsedo, Reina Maxima a keda sumamente bunita den su trahe cora y Prinses Amalia den su trahe serio y formal mirando cu lo drenta parlamento di Aruba y Bestuurskantoor pa prome biaha, esaki sigur ta un momento historico pa Aruba. Prome cu e famia Real a drenta e portanan di parlamento e grupo di muchanan sabi di Edselyn Figaroa a delita un bunita cancion, tambe Rey Willem Alexander por a combersa cu Edselyn Figaroa riba su mes y e grupo di mucha cu e ta dirigiendo. Den parlamento e famia real por a combersa miembronan di parlamento y na bestuurskantoor a reuni cu ministernan. Tambe prome Minister a dirigi su mes na e famia Real unda cu a yama nan bon bini na Aruba y cu Aruba ta sumamente contento di por a ricibi nan.
